Кубу ахапілі масавыя пратэсты

Сітуацыя стала крытычнай.

У кубінскім муніцыпалітэце Марон (правінцыя С'его-дэ-Авіла) увечары 13 сакавіка ўспыхнулі масавыя пратэсты. Жыхары выйшлі на вуліцы з-за працяглых адключэнняў электраэнергіі, праблемаў з прадуктамі харчавання і пагаршэння агульных умоваў жыцця на фоне эканамічнага крызісу.

Паводле звестак Ciber Cuba, падчас беспарадкаў была падпаленая мясцовая штаб-кватэра Камуністычнай партыі Кубы. Сілавікі паспрабавалі разагнаць дэманстрантаў, задзейнічаўшы спецпадраздзяленні і службовых сабак.

Мясцовы журналіст Хасэ Рауль Гальега паведаміў, што падчас сутыкненняў адзін малады чалавек атрымаў агнястрэльнае ранненне ў сцягно. Паводле ягонай інфармацыі, стрэл зрабіў супрацоўнік паліцыі.

Акцыі ў Мароне прайшлі ў межах масавых пратэстаў, што ахапілі розныя рэгіёны Кубы. За апошнія месяцы эканамічная сітуацыя на востраве стала крытычнай: жыхары сутыкнуліся з дэфіцытам паліва, прадуктаў харчавання і татальнымі адключэннямі электраэнергіі.

Як адзначаюць у Ciber Cuba, многія жыхары вострава чакаюць рэакцыі ЗША на тое, што адбываецца. Аднак на дадзены момант Вашынгтон афіцыйна не каментаваў пратэсты на Кубе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]