У крамах Магілёўскай вобласці знайшлі прадукты, пратэрмінаваныя больш як на 100 дзён

Што адбылося з гэтай прадукцыяй?

У Хоцімскім раёне Магілёўскай вобласці праверылі пяць сельскіх крам. Гэтым заняўся Камітэт дзяржаўнага кантролю. У чатырох з іх знайшлі пратэрмінаваныя тавары. У адной з крам адразу было 27 найменняў пратэрмінаванай прадукцыі, піша Onliner.

Пры гэтым тэрміны прыдатнасці асобных тавараў скончыліся больш як 100 сутак таму. Цяпер уся пратэрмінаваная прадукцыя знятая з рэалізацыі.

У трох правераных крамах не было поўнага абавязковага асартыменту тавараў. А ў адной такі пералік увогуле адсутнічаў.

Акрамя таго, не паўсюль выконваліся тэмпературныя рэжымы захоўвання прадукцыі, на асобных таварах адсутнічалі цэннікі і неабходная для пакупнікоў інфармацыя (пра вытворцу, дату вырабу і інш.).

Паводле прадпісання Камітэта дзяржаўнага кантролю парушальнікі адразу прынялі меры па ўстараненні недахопаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]