СМІ: Расійскі танкер Arctic Metagaz пасля атакі дронаў ператварыўся ў карабель-прывід
8- 14.03.2026, 11:53
- 3,724
Экіпаж пакінуў судна.
У Міжземным моры дрэйфуе расійскі танкер Arctic Metagaz з дызельным палівам і звадкаваным газам, які раней атакавалі марскія дроны. Судна некіравальнае, бо на ім ужо няма экіпажа, піша італьянскае выданне Il Fatto Quotidiano.
Паводле звестак італьянскіх журналістаў, танкер Arctic Metagaz перавозіў прыкладна 900 тон дызельнага паліва і звадкаваны газ. Яго некалькі дзён таму атакавалі марскія дроны ў Міжземным моры каля ўзбярэжжа Лівіі. Пасля гэтага экіпаж пакінуў танкер, і ён пачаў дрэйфаваць.
Зараз Arctic Metagaz дрэйфуе ў Сіцылійскім праліве ў напрамку да Мальты. Ён нахіліўся прыблізна на 30 градусаў, бо атрымаў сур'ёзныя пашкоджанні ў выніку атакі марскіх дронаў.
Улады Італіі занепакоеныя тым, што танкер расійскага «ценявога флоту» можа патануць, што прывядзе да экалагічнай катастрофы.
Каб прадухіліць такое развіццё сітуацыі, танкер Arctic Metagaz суправаджае італьянскі ваенны карабель. Пры неабходнасці плануюць прыцягнуць судна для ачысткі забруджанай вады.
Пра тое, што сітуацыя з танкерам-прывідам сапраўды вельмі сур'ёзная, сведчыць той факт, што нядаўна адбылася нарада з удзелам прэм'ер-міністра Італіі Джорджы Мелоні.
Сітуацыю адсочвае таксама і Мальта, бо менавіта да гэтага вострава дрэйфуе Arctic Metagaz.
Нагадаем, танкер расійскага «ценявога флоту» Arctic Metagaz, які перавозіў санкцыйны газ, загарэўся раніцай 3 сакавіка 2026 года ў Міжземным моры каля берагоў Лівіі.
Расія сцвярджае, што яго атакавалі ўкраінскія безэкіпажныя катэры. Мінтранс РФ паведаміў, што на борце судна знаходзілася 30 маракоў, усіх іх выратавалі, пацярпелых няма.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
