У Ксеніі Сітнік, якая 20 гадоў таму перамагла на «Дзіцячым Еўрабачанні», нарадзіўся першанец

У жніўні 2020 года беларуска падтрымала пратэстоўцаў.

Беларуска Ксенія Сітнік, пераможца конкурсу песні «Дзіцячае Еўрабачанне — 2005», у лютым нарадзіла першанца. Пра гэта яна распавяла ў Instagram, заўважыла «Зеркало».

«Роўна месяц таму, у лютаўскую пятніцу трынаццатага, з мяне літаральна выйшаў выдатны чалавек», — напісала Ксенія пад ролікам, дзе знялася на познім тэрміне цяжарнасці.

Падрабязнасцямі пра сваё малое — якой ён полу і як яго назвалі — яна не падзялілася. Але дадала:

«Як пісаў Фіцджэральд: гэта быў цудоўны час, гэта быў жахлівы час. Такога сінтэзу агоніі, жывёльнага страху, душараздзіральнай любові і ўдзячнасці ў адной кропцы рэальнасці раней перажываць не даводзілася. Падобна, менавіта гэта і называецца living my life like it’s golden (цытата з песні R&B-спявачкі Джыл Скот, даслоўны пераклад — „Жыву так, нібы маё жыццё — золата“. — Заўв. рэд.)».

Нагадаем, Ксенія Сітнік прынесла Беларусі перамогу на «Дзіцячым Еўрабачанні-2005» з песняй «Мы разам». Пасля ранняй папулярнасці атрымала адукацыю журналісткі ў Англа-Амерыканскім універсітэце ў Празе, у 2019 годзе запусціла вясельнае агенцтва Marry Me ў Чэхіі.

У жніўні 2020 года пасля жорсткага разагону мірных акцый пратэсту Сітнік апублікавала ў Instagram пост з узгадваннем «крывавай жорсткасці» і «прыніжэння беззбройных», пасля чаго перастала з’яўляцца на беларускім ТБ і, верагодна, трапіла ў негалосны чорны спіс артыстаў.

Пры гэтым дзяўчына не пакінула творчасці: яна запісвае музыку, выконвае каверы, піша вершы, працуе ў фэшн-сферы і здымаецца ў рэкламе, а таксама шмат падарожнічае. Зараз 30-гадовая Сітнік перыядычна бывае ў Беларусі, але сваю прафесійную дзейнасць не афішуе.

Wyświetl ten post na Instagramie

Post udostępniony przez @ksusitnik

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]