Беларусаў чакаюць сонечныя выхадныя
- 13.03.2026, 19:53
Да +17°C.
Гэты сакавік апярэджвае кліматычны каляндар на месяц, тэмпература перавышае кліматычную норму на 9°C. У выхадныя таксама будзе сонечна і анамальна цёпла. Не ўпусціце момант для адпачынку на прыродзе, каб атрымаць асалоду ад прыгажосці вясны.
14 сакавіка, паводле дадзеных Белгідрамета, скажацца ўплыў заходняй перыферыі абшырнага, пагоднага антыцыклону і цёплай паветранай масы. На фоне высокага атмасфернага ціску воблакаў у небе будзе няшмат, што дапаможа сонечным прамяням працягнуць актыўна прагрэваць паветра.
У суботу чакаецца невялікая воблачнасць. Без ападкаў. У начныя і ранішнія гадзіны месцамі слабы туман, на асобных участках дарог галалёдзіца. Вецер паўднёвы, умераны. Атмасферны ціск істотна не зменіцца.
Раніцай тэмпература ў большасці раёнаў да +3°C. З улікам ветру і вільготнасці будзе адчувацца крыху халадней. Удзень слупкі тэрмометраў пакажуць ад +10°C на паўночным усходзе да +16°C на паўднёвым захадзе. Да вечара тэмпературны фон — ад +6°C у Віцебску і Магілёве да +11°C у Брэсце.
У нядзелю, 15 сакавіка, надвор'е працягне вызначаць вобласць высокага атмасфернага ціску і цёплыя паветраныя масы. Зменная воблачнасць. Без ападкаў. Уначы і раніцай на асобных участках дарог галалёдзіца. Вецер паўднёвай чвэрці ўмераны. Тэмпература ўначы -2°C…+5°C, удзень ад +9°C на ўсходзе да +17°C на паўднёвым захадзе.
У панядзелак, 16 сакавіка, у большасці раёнаў без ападкаў, толькі ўдзень у крайніх заходніх раёнах атмасферны фронт адзначыцца невялікімі кароткачасовымі дажджамі. Вецер паўднёвы, умераны. Уначы і раніцай месцамі туман, бачнасць да паўкіламетра. Удзень ад +9°C на ўсходзе да +16°C на паўднёвым захадзе.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
