Уладзімір Зяленскі: Украіне патрэбная ясная перспектыва ўступлення ў ЕС

Патрэбна дата ўступлення.

Украіна разлічвае на далейшую падтрымку Францыі ў працэсе еўрапейскай інтэграцыі і чакае вызначэння яснай перспектывы сяброўства ў Еўрапейскім Саюзе. Пра гэта заявіў Уладзімір Зяленскі падчас сумеснага звароту да медыя разам з прэзідэнтам Францыі Эмануэлем Макронам, перадае УНН.

Прэзідэнт Украіны нагадаў, што Францыя адыграла ключавую ролю ў наданні Кіеву статусу кандыдата на ўступленне ў Еўрапейскі Саюз.

«Мы памятаем, як добра спрацавала лідарства Францыі і асабіста Эмануэля, калі Украіна атрымала статус кандыдата на ўступленне ў Еўрапейскі Саюз. Гэта быў гістарычны крок», — сказаў Зяленскі.

Ён адзначыў, што цяпер важна рухацца далей і вызначыць перспектыву паўнапраўнага сяброўства.

«Мусіць быць канкрэтная дата ўступлення Украіны ў Еўрапейскі Саюз. Мы вельмі гэтага хочам, каб Расія не мела магчымасці блакаваць Украіну праз сваіх саюзнікаў у Еўропе», — падкрэсліў прэзідэнт Украіны.

Зяленскі таксама заявіў, што для дасягнення трывалага міру неабходна захоўваць ціск на Расію.

«Расія павінна завяршыць гэтую вайну. І для гэтага важна захоўваць рашучасць і ўзмацняць санкцыйны ціск», — падсумаваў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]