Працягласць жыцця можа быць звязана са штодзённымі звычкамі
3- 13.03.2026, 18:17
- 1,496
Навукоўцы даказалі гэта на акварыумных рыбках.
Калі даволі доўга ўзірацца ў акварыум, можна ўбачыць будучыню. Даследнікі са Стэнфардскага ўніверсітэта (ЗША) навучыліся прадказваць працягласць жыцця акварыумных рыбак, ацэньваючы іх штодзённыя звычкі, піша «Нож».
Каманда назірала за 81 асобінай віду Nothobranchius furzeri (афрыканская бірюзовая кіліфіш) на працягу ўсяго іх жыцця — ад чатырох да васьмі месяцаў.
Навукоўцы правялі аналіз мільярдаў кадраў з акварыумных камер. У выніку ім удалося выявіць сувязь паміж штодзённымі паводзіннымі мадэлямі рыб і тым, наколькі спрыяльна складзецца іх лёс.
«Адсочванне простых паказчыкаў, такіх як актыўнасць і сон, на працягу 24-гадзіннага цыклу можа даць нам уяўленне пра тое, на якой стадыі старэння мы знаходзімся, і нават спрогназаваць працягласць нашага жыцця», — патлумачыла дактарка Клэр Бедбрук, сааўтарка даследавання, біёінжынерка і нейрабіёлаг.
Як высветлілася, на пачатку сярэдняга ўзросту, прыкладна на 70–100‑ы дзень жыцця, рыбы — будучыя доўгажыхары — паводзілі сябе асаблівым чынам. Так, напрыклад, амаль усе яны спалі ноччу, а ўдзень былі актыўней за іншых рыб. Усяго навукоўцы выявілі каля 100 паводзінных фактараў — «індыкатараў» працягласці жыцця гэтых жывёл.
«Першапачаткова я меркавала, што старэнне — паступовы працэс, пры якім кожны дзень крыху горшы за папярэдні, — дадала дактарка Бедбрук. — Аднак паводзінныя назіранні выявілі доўгія перыяды стабільнасці, што чаргуюцца з рэзкімі пераходамі, падчас якіх жывёлы хутка старэюць і ўступаюць у новы жыццёвы этап».
Цяпер каманда плануе падобным чынам вывучаць паводзіны рыб у натуральным асяроддзі існавання.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
