Швецыя затрымала расійскі «ценявы» танкер

Судна ішло пад ілжывым сцягам.

У Балтыйскім моры каля шведскага портавага горада Треллеборг 12 сакавіка быў затрыманы нафтавы танкер Sea Owl, які, меркавана, уваходзіць у склад «ценявога» флоту, што перавозіць расійскую нафту.

Пра гэта паведаміў міністр грамадзянскай абароны Швецыі Карл-Оскар Болін.

«Берагавая ахова ўжо другі раз за тыдзень высадзілася на борт падазронага судна «ценявога флоту» ў тэрытарыяльных водах Швецыі. Судна… меркавана не мае дзяржаўнай прыналежнасці. Яно ўключана ў санкцыйны спіс ЕС і перавозіць нафту або іншае вадкае паліва», — напісаў кіраўнік ведамства ў X. На мінулым тыдні Швецыя спыніла сухагруз Caffa, што накіроўваўся ў Санкт-Пецярбург.

У Берагавой ахове Швецыі заявілі, што Sea Owl ішоў пад ілжывым сцягам (Каморскіх астравоў) і ствараў небяспеку ў моры, а таксама рызыкі для навакольнага асяроддзя. Праводзіцца расследаванне аб прыдатнасці судна да плавання. Даныя Starboard Maritime Intelligence таксама сведчаць, што Sea Owl даўжынёй 228 метраў хадзіць пад фіктыўным сцягам, звяртае ўвагу The Insider. У іншых базах няма пацвярджэнняў таго, што танкер знаходзіцца пад каморскай юрысдыкцыяй. Паводле інфармацыі шведскай Берагавой аховы, Sea Owl накіроўваўся ў расійскі порт Прыморск з Сантаса (Бразілія).

Як вынікае з даных сэрвісу Starboard, танкер выйшаў з бразільскага порта 15 лютага і павінен быў дасягнуць порта Таліна прыблізна 15 сакавіка, пасля чаго адправіцца ў Прыморск. Раней Sea Owl рэгулярна выконваў рэйсы паміж портамі РФ і Бразіліі.

Танкер трапіў пад санкцыі Еўрасаюза ў кастрычніку 2025 года як адно з судоў расійскага «ценявога флоту». Як заявіў Болін, гэты флот нясе «значную пагрозу бяспецы і навакольнаму асяроддзю» і складаецца з «сотняў судоў», часта састарэлых, якія «дрэнна абслугоўваюцца, ходзяць пад фальшывымі сцягамі або наогул не маюць рэгістрацыі». «Асноўная праблема — абыход санкцый супраць Расіі (асабліва ў сферы экспарту нафты), а таксама рызыкі для экалогіі, нізкі прафесіяналізм экіпажаў і адсутнасць належнага страхавання», — заявіў міністр.

5 сакавіка Берагавая ахова Швецыі разам з сіламі атрада спецыяльнага прызначэння высадзіліся з верталёта на сухагруз Caffa, які, як лічаць улады каралеўства, ішоў пад ілжывым сцягам Гвінеі ў порт Санкт-Пецярбурга. Судна абвінавачваецца Украінай у датычнасці да транспартавання збожжа з Севастопаля ў Сірыю.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]