МКС пачаў расследаванне злачынстваў, учыненых рэжымам Лукашэнкі

Дыктатара могуць абвясціць у міжнародны вышук.

Пракуратура Міжнароднага крымінальнага суда (МКС) распачала расследаванне аб меркаваных злачынствах супраць чалавечнасці, учыненых рэжымам Лукашэнкі, гаворыцца на афіцыйным партале МКС (пераклад — сайт Charter97.org).

Пасля дэталёвага юрыдычнага і фактычнага аналізу сітуацыі ў Беларусі пракуратура вырашыла пачаць расследаванне, усталяваўшы наяўнасць разумных падстаў меркаваць, што злачынствы былі ўчынены.

Праверка пачалася 30 верасня 2024 года пасля звароту Літвы, якая прасіла расследаваць меркаваныя злачынствы супраць чалавечнасці з боку ўладаў Беларусі. Хоць Беларусь не з’яўляецца ўдзельніцай Рымскага статута, частка дзеянняў, паводле заяўніка, адбывалася на тэрыторыі Літвы.

Пракуратура МКС лічыць, што ёсць падставы меркаваць, што дэпартацыі і іншыя прымусовыя дзеянні былі скіраваныя супраць праціўнікаў беларускага ўрада і ажыццяўляліся дзяржаўнымі органамі краіны. Мяркуецца, што такія дзеянні маглі быць ухваленыя на вышэйшым узроўні ўлады.

Адзін з важных аспектаў — выштурхоўванне беларусаў пад страхам незаконнага крымінальнага пераследу за межы краіны. Паводле розных ацэнак, ад 300 да 500 тысяч чалавек вымушана пакінулі РБ пасля падзей 2020 года.

Дзяржавы-ўдзельніцы Міжнароднага крымінальнага суда, уключаючы Літву, апавешчаныя пра прынятае рашэнне.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]