Сербская авіякампанія пачала лятаць у Расію праз Беларусь

Air Serbia адмовілася ад палётаў праз Беларусь у маі 2021 года.

Сербская авіякампанія Air Serbia зноў пачала выкарыстоўваць паветраную прастору Беларусі на рэйсах паміж Бялградом і Масквой. Паводле дадзеных Flightradar24, новы маршрут пачаў выкарыстоўвацца з 3 сакавіка 2026 года, заўважыў тэлеграм-канал «От винта | Авиация Беларуси».

Самалёты на лініі Бялград — Масква — Бялград цяпер рэгулярна пралятаюць праз мінскі раён палётнай інфармацыі (FIR Minsk (UMMV)), хоць раней кампанія амаль пяць гадоў аблятала Беларусь.

Гэты маршрут лічыцца самым кароткім і зручным для авіяперавозчыка. У параўнанні з аблётам праз Польшчу і краіны Балтыі ён дазваляе скараціць шлях прыкладна на 100—150 кіламетраў. Гэта дае эканомію каля 10 хвілін палётнага часу і памяншае выдаткі на паліва. Акрамя таго, пры палёце праз Беларусь самалёт праходзіць праз меншую колькасць зон палётнай інфармацыі, што таксама зніжае навігацыйныя зборы.

Раней Air Serbia адмовілася ад палётаў праз Беларусь у маі 2021 года пасля інцыдэнту з рэйсам Ryanair з Раманам Пратасевічам на борце, які вымушана прызямлілі ў Мінску. Пасля гэтага многія еўрапейскія авіякампаніі пачалі пазбягаць беларускай паветранай прасторы. Хоць Air Serbia не ўваходзіць у Еўразвяз і не была абавязаная выконваць гэтыя рэкамендацыі, яна таксама змяніла свае маршруты.

Цяпер Air Serbia фактычна стала адзінай еўрапейскай авіякампаніяй (калі не лічыць расійскія і турэцкія), якая рэгулярна выкарыстоўвае паветраную прастору Беларусі. Акрамя таго, яна застаецца адной з нямногіх еўрапейскіх кампаній, што працягваюць выконваць рэйсы ў Расію.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]