У Польшчы ствараюць ваенны рэзерв павышанай гатоўнасці

Колькасць вайскоўцаў, гатовых да мабілізацыі, дасягне 500 тысяч.

У Міністэрстве абароны Польшчы прадставілі план стварэння ваеннага рэзерву павышанай гатоўнасці, які будзе гатовы да хуткай мабілізацыі ў выпадку неабходнасці, паведамляе Onet.

Міністр абароны Польшчы Уладзіслаў Косіняк-Камыш абвясціў пра змены ў сістэме рэзерву асабовага складу войска краіны. Ідзе гаворка пра стварэнне так званага рэзерву высокай гатоўнасці — падрыхтаваных рэзервістаў, якія будуць рэгулярна ўдзельнічаць у вучэннях. Разам з прафесійным войскам, сіламі тэрытарыяльнай абароны і іншымі формамі вайсковай службы гэта забяспечыць Польшчы 500 тысяч салдат, гатовых да хуткай мабілізацыі.

Служба ў рэзерве будзе добраахвотнай і прадугледзіць розныя льготы, абвясціў міністр. Рэзервісты таксама атрымаюць свабоду ў выбары дат вучэнняў і падраздзялення, у якім яны будуць служыць.

Паводле чыноўніка, пашырэнне рэзерву польскага войска звязана, між іншым, з дэмаграфічнымі зменамі, якія азначаюць, што войска з кожным годам зможа разлічваць на ўсё меншую колькасць навабранцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]