Экс-старшыню Рэчыцкага райвыканкама асудзілі на сем гадоў калоніі

Лукашыста абвінавацілі ў перавышэнні ўлады і службовых паўнамоцтваў.

Экс-старшыні Рэчыцкага райвыканкама інкрымінавана перавышэнне ўлады і службовых паўнамоцтваў, гаворыцца ў заяве Гомельскай пракуратуры. Яго імя не называецца, але відавочна, што гаворка ідзе пра Віталя Панчанку.

На працягу 10 гадоў былы кіраўнік даваў незаконныя ўказанні спецыялістам сельгаспрадпрыемстваў Рэчыцкага раёна, а таксама свайму намесніку ўтойваць падзеж жывёлы. У сувязі з гэтым 20 работнікаў былі прыцягнутыя да крымінальнай адказнасці.

Экс-старшыні Рэчыцы прызначылі пакаранне ў выглядзе пазбаўлення волі на 7 гадоў з адбываннем у калоніі ўзмоцненага рэжыму, са штрафам у памеры 700 базавых велічынь (31 500 рублёў), з пазбаўленнем права займаць пэўныя пасады, звязаныя з выкананнем арганізацыйна-распарадчых абавязкаў, тэрмінам на 5 гадоў, паведамляе пракуратура.

Пра затрыманне Віталя Панчанкі летась паведамляў «Флагшток».

У 2022 годзе Панчанка ўжо быў у СІЗА, але тады яму ўдалося пазбегнуць пакарання — ён нават апынуўся на пасадзе ідэолага «Беларуснафты».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]