«Белавія» перайшла на «карупцыйную» сістэму браніравання авіябілетаў

У Расіі — гучны скандал.

Аператар сістэмы браніравання авіябілетаў Leonardo, на прадукт якога ў 2023 годзе замест амерыканскай Sabre пераарыентавалася «Белавія», трапіў у цэнтр карупцыйнага скандалу ў Расіі, заўважыў сайт «Беларусы і рынак».

Расійская Генпракуратура падала пазоў аб звароце ў даход дзяржавы сістэмы браніравання авіябілетаў Leonardo і аэрапортавай сістэмы рэгістрацыі пасажыраў і багажу Astra.

Паводле яе заключэння, уласнікі гэтых сістэм, якія забяспечваюць прадастаўленне крытычна значных інфармацыйных паслуг у паветраным транспарце, «Сірэна-Трэвэл», ТКП і іншыя кампаніі групы, былі набытыя карупцыйным шляхам, а таксама знаходзяцца пад крымінальным уплывам і замежным кантролем. «Белавія» вяла перамовы ў 2023 годзе з гэтымі структурамі.

Каб стаць лідарам у браніраванні авіябілетаў, цяперашнія ўласнікі «Сірэна-Трэвэл» і Leonardo, паводле версіі Генпракуратуры, яшчэ ў 2003-м наўмысна збанкрутавалі дзяржаўнае прадпрыемства «Галоўнае агенцтва паветраных зносін грамадзянскай авіяцыі».

Сярод падазраваных фігуруюць памерлы экс-генеральны дырэктар «Внукоўскіх авіяліній», дзеючы дэпутат Дзярждумы ад ЛДПР і адзін з бізнесменаў.

Дарэчы, сістэмай Leonardo разам з «Сірэна-Трэвэл» на парытэтных пачатках кіруе адна з даччыных кампаній дзяржаўнай карпарацыі «Ростэх».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]