У Беларусі збіраюцца прадаваць курыныя яйкі незвычайнага колеру

Падрабязнасці расказала дырэктарка Салігорскай птушкафабрыкі.

На Салігорскай птушкафабрыцы плануюць заняцца развядзеннем курэй, якія нясуць блакітныя яйкі. Пра гэта ў эфіры тэлеканала СТВ расказала дырэктарка прадпрыемства Ірына Толкачова, перадае «Зеркало».

Паводле слоў Толкачовай, калісьці яны спрабавалі працаваць з пародай птушак, якая несла блакітныя і зялёныя яйкі.

— Мы бралі гэта ўсё ў Чэхіі. Але яксьці ўсё не маглі завезці, бо то птушыны грып у Чэхіі, то яшчэ што-небудзь. Яксьці ў нас не атрымлівалася, — успамінала кіраўніца. — Цяпер хочам (у нас адзін фермер гэтым займаецца) купіць у яго яйкі. У нас ёсць свой інкубатар, ён застаўся ад перапёлак. І паспрабаваць самім вывесці [гэтую пароду].

Дырэктарка прадпрыемства расказала, што на птушкафабрыцы мадэрнізуюць чатыры птушнікі. Гэта дазволіць павялічыць аб’ём вытворчасці яек на шэсць працэнтаў.

Плюс на былым птушніку, які складаецца з чатырох залаў, хочуць зрабіць еўрапейскія клеткі, так званыя VIP-нумары для нясушак.

— [Гэта месцы], дзе яна знаходзіцца ў камфортных умовах. У яе ёсць асобная спальня. Асобна ёсць гняздо, дзе яна нясе яйкі. Ёсць драпка, дзе яна можа падтачыць кіпцюры, — апісала камфортныя ўмовы размяшчэння птушкі Ірына Толкачова. — Гэта VIP-пражыванне. Як кажуць, шчаслівая нясушка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]