У мінскім аэрапорце ўтрымліваюць групу замежнікаў без тлумачэння прычын

З імі груба абыходзяцца ўжо больш за 13 гадзін.

У Нацыянальным аэрапорце «Мінск» утрымліваюць групу замежнікаў ужо больш за 13 гадзін. Людзям нічога не тлумачаць і з імі груба абыходзяцца. Пра гэта паведамілі крыніцы «Белсата».

Паводле звестак крыніцы, сярод тых, каго ўтрымліваюць, ёсць грамадзянін Расіі, спартовец з Гаіці, грамадзяне Узбекістана, Таджыкістана, Арменіі, Бангладэш.

На пашпартным кантролі іх проста не пусцілі далей, хоць некаторыя з іх ужо бывалі ў Беларусі. Спачатку замежнікам сказалі, што ўсё будзе добра і будзе далейшая праверка, аднак потым іх проста пакінулі чакаць у асобным памяшканні без якіх-небудзь тлумачэнняў.

На момант публікацыі яны ўжо больш за 13 гадзін без ежы. Пітная вада з кулера, які ім даступны, брудная.

Таксама замежнікі скардзяцца на грубае абыходжанне з імі, у прыватнасці, на просьбу даць цукар да гарбаты яны пачулі абразы, адзначае крыніца.

«Белсат» азнаёміўся з матэрыяламі, што пацвярджаюць словы крыніцы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]