У порце Санкт-Пецярбурга выявілі метэарыт, які транзітам з Беларусі везлі ў Вялікабрытанію

Кавалкі метэарыта прадаюцца на розных расійскіх сайтах.

Аскепак метэарыта «Алетай» вагой 2,5 тоны мясцовыя мытнікі выявілі пры сканаванні марскога кантэйнера ў порце Санкт-Пецярбурга.

Праз мяжу метэарыт, экспертны кошт якога складае 323 млн расійскіх рублёў, хацелі правезці, задэклараваўшы яго як «скульптуру для ландшафтнага дызайну».

Як паведамляе «Коммерсантъ», груз прывезлі з Беларусі фурай, а да перамяшчэння метэарыта датычны Аляксей Варонецкі.

«Алетай» — аскепак ядра старажытнай пратопланеты, узрост якога каля 4,5 млрд гадоў. Яго выявілі ў 1898 годзе ў Кітаі, на поўначы Сіньцзян-Уйгурскага аўтаномнага раёна. За першыя гады было знойдзена больш за 50 тон аскепкаў. У 2021 годзе навукоўцы знайшлі новыя фрагменты метэарыта «Алетай» вагой 23 тоны.

Кавалкі метэарыта прадаюцца на розных расійскіх сайтах. Кошт залежыць ад вагі і формы: напрыклад, 149 тыс. расійскіх рублёў за фрагмент 490 грамаў або 305 тыс. расійскіх рублёў за пласціну 203 грамы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]