Парыж ацаніў у £2 млрд права Брытаніі прадаваць зброю Кіеву за грошы ЕС
- 6.02.2026, 2:19
ЕС мае намер пачаць перамовы з Лонданам па гэтым пытанні.
Францыя дамагаецца, каб Вялікабрытанія заплаціла да £2 млрд (каля €2,3 млрд) за ўдзел у новай праграме ЕС па фінансаванні паставак узбраення Украіне, у межах якой кантракты змогуць атрымаць і брытанскія кампаніі, паведамляе The Telegraph са спасылкай на крыніцы.
Брусэль мае намер пачаць перамовы з Лонданам аб далучэнні да прадастаўленага Кіеву крэдыту ў €90 млрд. Украіна зможа выкарыстаць €60 млрд з пазыкі на фінансаванне набыцця ўзбраення, астатняе прызначана для агульнай падтрымкі бюджэту.
Вялікабрытаніі прапануюць, каб яе разглядалі як краіну ЕС у межах гэтай схемы, аднак прэм’ер Кір Стармер павінен пагадзіцца заплаціць уступны ўзнос. Паводле выдання, Францыя прапанавала ўстанавіць узнос Вялікабрытаніі на ўзроўні 10–12% ад сумы працэнтавых выплат па крэдыце. Французскі бок пры гэтым заявіў, што канкрэтныя лічбы пакуль публічна не абмяркоўваюцца.
У снежні 2025 года Еўрасаюз прыняў рашэнне прадаставіць Украіне крэдыт у памеры €90 млрд з бюджэту ЕС. Неўзабаве, у студзені, Politico паведаміла, што за магчымасць Кіева набываць амерыканскае ўзбраенне за кошт крэдыту ЕС выступаюць Германія і Нідэрланды, тады як Францыя настойвае на прыярытэце еўрапейскіх вытворцаў. Пазіцыю Парыжа таксама падзялялі Кіпр і Грэцыя.
Германія, Нідэрланды і іншыя краіны блоку настойвалі, што гэта «звяжа Кіеву рукі» і абмяжуе яго свабоду.
Паралельна краіны НАТА, акрамя Злучаных Штатаў, робяць фінансавыя ўнёскі для закупкі ў Вашынгтона зброі для Украіны. Гэтая праграма называецца PURL (Prioritized Ukraine Requirements List — Спіс прыярытэтных патрабаванняў Украіны), у яе межах Кіеў атрымлівае амерыканскую зброю.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
