Лазеры на трасах: М1 і М4 абсталююць сістэмай апавяшчэння

З-за складанай дарожна-транспартнай абстаноўкі.

У Беларусі на трасах М1 і М4 у 2026 годзе з’явіцца зялёна-чырвоная лазерная сістэма светлавога апавяшчэння. Пра гэта на прэс-канферэнцыі расказаў начальнік УУС Мінскага аблвыканкама Андрэй Любімаў, піша БелТА.

Як адзначыў Любімаў, у мінулым годзе на тэрыторыі вобласці назіралася складаная дарожна-транспартная абстаноўка па ўсіх асноўных паказчыках аварыйнасці. У вобласці было зарэгістравана 741 ДТЗ, у якіх 115 чалавек загінулі і 823 атрымалі цялесныя пашкоджанні рознай ступені цяжкасці.

«У ходзе нагляду за дарожным рухам выяўлена больш за 319 тыс. парушэнняў ПДР, з якіх 53,9 тыс. учынены пешаходамі і веласіпедыстамі, у тым ліку 9,3 тыс. — нецвярозымі. Устаноўлена 2,2 тыс. фактаў знаходжання за рулём нецвярозых кіроўцаў, па віне якіх адбылося 60 ДТЗ, у якіх 21 чалавек загінуў і 65 атрымалі цялесныя пашкоджанні», — расказаў Андрэй Любімаў.

Для прафілактыкі ДТЗ у 2026 годзе будзе працягнута тлумачальная работа, забяспечана спыненне правапарушэнняў, у тым ліку з выкарыстаннем БПЛА.

«Упраўленнем Дзяржаўтаінспекцыі Мінскай вобласці ўзгоднены тры структурныя падпраграмы, накіраваныя на ўдасканаленне арганізацыі і павышэнне бяспекі дарожнага руху, у тым ліку за кошт рэалізацыі 288 інжынерных рашэнняў. У 2026 годзе таксама плануецца ўстаноўка 33,22 км дарожных агароджаў на раздзяляльных палосах, уладкаванне вонкавага асвятлення на 63 пешаходных пераходах, уладкаванне пяці кальцавых развязак, будаўніцтва 11 святлафорных аб’ектаў на аварыйна небяспечных пешаходных пераходах і скрыжаваннях», — дадаў Андрэй Любімаў.

Акрамя таго, па ініцыятыве УДАІ УУС Мінскага аблвыканкама для прыцягнення ўвагі кіроўцаў і папярэджання ДТЗ па прычыне сну за рулём узгоднана размяшчэнне на аўтадарогах М1 Брэст — Мінск — мяжа Расійскай Федэрацыі і М4 Мінск — Магілёў сістэмы лазернага апавяшчэння з зялёным і чырвоным сігналамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]