Украіна прызначыць спецыяльнага прадстаўніка па Беларусі

Пра гэта паведаміў Зяленскі.

Прэзідэнт Украіны Уладзімір Зяленскі анансаваў кадравыя змены ў дыпламатычным корпусе. У прыватнасці, з'явіцца спецыяльны прадстаўнік па Беларусі.

Пра гэта паведамляе Charter97.org са спасылкай на заяву Зяленскага ў Telegram.

«МЗС рыхтуе кандыдатуры для прызначэння спецпрадстаўніка па Беларусі і беларускаму супольніцтву ў Еўропе. Патрэбная больш актыўная палітыка. І менавіта актыўнасць нашай дзяржавы, актыўнасць нашых людзей — гэта тое, што дае Украіне лепшы вынік», — адзначыў прэзідэнт Украіны.

Зяленскі дадаў, што размаўляў з дыпламатычнай камандай краіны і з людзьмі, якія маюць добры вопыт і «праявілі сябе ў абароне ўкраінскіх інтарэсаў».

«Падрыхтоўваем узмацненне некаторых напрамкаў дыпламатычнай працы ў Еўропе і не толькі. Украінскія інтарэсы павінны быць прадстаўленыя на афіцыйным узроўні і ў зносінах з супольнасцямі з тых краін, якія цяпер яшчэ не маюць свабоды або знаходзяцца пад расійскім уплывам», — падкрэсліў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]