Ватыкан выпусціў незвычайную марку ў падтрымку ўкраінцаў

Дызайн стаў нетыповым для ватыканскай філатэліі.

Ватыкан да чацвёртай гадавіны поўнамаштабнага ўварвання Расіі прадставіў новую паштовую марку, прысвечаную ўкраінскім каталікам. На ёй адлюстраваны Патрыяршы сабор Уваскрасення Хрыстова ў Кіеве падчас блекауту.

Пра гэта паведамляе Reuters.

Дызайн маркі стаў нетыповым для ватыканскай філатэліі. Паштовая служба Святога Пасаду звычайна выпускае маркі з нагоды каталіцкіх святаў або ў гонар нацыянальных Цэркваў, пазбягаючы палітычных акцэнтаў і аддаючы перавагу выявам рэлігійных постацяў, у прыватнасці мясцовых святых.

На новай марцы кіеўскі сабор адлюстраваны зацямнёны праз адключэнне электраэнергіі, аднак яго сілуэт пазаду асвятляе аранжавае ззянне вячэрняга неба.

Кіраўнік УГКЦ Святаслаў Шаўчук, які прысутнічаў у Ватыкане на цырымоніі прэзентацыі, назваў выпуск маркі «вялікім момантам суцяшэння».

«Мы сапраўды адчуваем падтрымку Святога Пасаду за гэтую асаблівую ўвагу да нашай гісторыі, да нашага жыцця ў гэты трагічны момант вайны», — сказаў ён па-італьянску.

Марку таксама прымеркавалі да 30-годдзя аднаўлення Кіеўскай каталіцкай дыяцэзіі пасля распаду СССР і 12-й гадавіны ўзвядзення сабора.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]