Калі ў Беларусь прыйдзе вясна?

Сіноптыкі назвалі дату пацяплення.

Спаўна нацешыўшыся моцнымі маразамі і бяскрайнімі снегавымі гурбамі, беларусы ўжо чакаюць надыходу вясны.

Першыя яе званочкі можна будзе пачуць ужо зусім хутка, паабяцалі ў Белгідрамеце.

Увесь працоўны тыдзень надвор’е ў Беларусі будзе адпавядаць статусу «лютага месяца». Тэмпературны фон будзе ніжэйшы за кліматычную норму на 1–11°С.

«А ў выхадныя жыхары паўднёвай паловы краіны стануць сведкамі «еўразімы» або «дэмаверсіі вясны»», — абнадзейваюць сіноптыкі.

Але трэба крыху пачакаць. У сераду, 18 лютага, будзе халодна і месцамі сняжна. Уначы тэмпература паветра складзе ад -8°С на паўднёва-захадзе да -23°С на паўночным усходзе. Удзень цяплей — ад -4 да -11°С, на захадзе — ад -1 да -3°С.

Снег, галалёд і слабыя завеі чакаюць беларусаў 19 лютага. Тэмпература паветра — як начная, так і дзённая — будзе адрознівацца ў залежнасці ад рэгіёна. Уначы чакаецца ад -10 да -17°С, на захадзе — ад -6 да -9°С, удзень — ад -1 да -10°С на поўначы.

Ужо ў пятніцу стане крыху цяплей. Уначы — ад -8 да -14°С, удзень — ад -1 да -8°С.

Даўгачаканыя выходныя

Паводле інфармацыі Белгідрамета, у найбліжэйшыя выходныя, 21 і 22 лютага, з Заходняй Еўропы ў Беларусь пачне паступаць паветраная маса атлантычнага паходжання.

«Тэмпературны фон павысіцца і ў начныя гадзіны будзе знаходзіцца ў дыяпазоне ад -2 да -14°С. 21 лютага пры праясненнях паветра астудзіцца да -16°С, а максімальныя значэнні тэмпературы паветра ўдзень апынуцца ў межах ад +2 да -6°С», — растлумачылі сіноптыкі.

Першы «плюс» чакаецца на тэрмометрах ужо ў суботу, 21 лютага. Хаця ўначы яшчэ падмарозіць — будзе ад -7 да -14°С, удзень у некаторых рэгіёнах краіны паветра прагрэецца да +1°С.

Уначы на нядзелю тэмпература паветра складзе ад -4 да -10°С, на захадзе — ад -2 да -3°С. Удзень чакаецца ад -5 да +2°С.

Нягледзячы на павышэнне тэмпературы, у выходныя на большай частцы тэрыторыі краіны пройдуць снег, мокры снег або нават дождж. Да таго ж будзе слізка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]