Беларусы адправіліся ў лес па грыбы ў лютым

Кароткая адліга дала пачатак росту зімовых разнавіднасцяў.

Што можа прымусіць беларусаў адправіцца ў лес гэтым лютым, суровым на маразы і шчодрым на снегапады? Не толькі страсць да палявання і лыжных прабежак па ўзлесках. У лютым лесе можна сустрэць і заядлых грыбнікоў, якім ужо не сядзіцца дома ў чаканні адкрыцця грыбнога сезона, піша Telegraf.news.

Так, адзін з актывістаў групы ва «ВКонтакте» «Грыбныя войскі Беларусі» паказаў маладую змену грыбоў, якая, нягледзячы на суровыя ўмовы надвор'я гэтай зімой, падрастае. Выбраўшыся ў лес 14 лютага, мужчына паказаў, як кароткая лютаўская адліга паўплывала на грыбную сітуацыю ў лесе.

Нягледзячы на тое, што прабірацца па лесе грыбніку давялося праз метровыя сняжныя гурбы, ягоная прагулка не была дарэмнай. Мужчына наглядна прадэманстраваў, што зімой жыццё ў лесе не спыняецца, нягледзячы на трыццаціградусныя маразы, — яно працягваецца пад покрывам драўнянай кары, і нават нязначная адліга адразу спрыяе росту халадатрывалых відаў.

Зімовыя апенькі, вядомыя навукоўцам як фламуліна аксаміцістаножкавая, вешанкі, якія здольныя замярзаць, а пры адтаванні — працягваць свой рост, і далікатэсная Tremella mesenterica Retz — дрыжалка аранжавая, за якой палююць гурманы, — вось такі ўражлівы «улоў» заядлага грыбніка, які рызыкнуў паспрабаваць шчасця ў лютаўскім лесе.

Сярод знойдзеных мужчынам грыбоў былі і «старэнькія» — леташнія, і зусім маладыя грыбы. Паводле слоў аўтара відэа, калі ўмовы надвор'я будуць спрыяць, знойдзеным ім экзэмплярам спатрэбіцца яшчэ пару тыдняў, каб падрасці, і іх можна будзе смела браць у кошык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]