Момант запуску ўкраінскіх ракет «Фламінга» трапіў на відэа

ЗСУ ўдарылі па адным з найбуйнейшых арсеналаў Мінабароны РФ у Валгаградскай вобласці.

У абароннай кампаніі Fire Point паказалі момант запуску крылатых ракет FP-5 «Фламінга» па адным з найбуйнейшых арсеналаў расійскага Міністэрства абароны ў Валгаградскай вобласці.

Адпаведныя відэа суўладальнік і галоўны канструктар Fire Point Дзяніс Штылерман апублікаваў у сацсетцы X 12 лютага.

Як паведамілі ў Генштабе ЗСУ, гэты арсенал з'яўляецца адной з найбуйнейшых пляцовак для захоўвання боепрыпасаў расійскай арміі. Ён размешчаны за 400 км ад дзяржаўнай мяжы Украіны — у раёне населенага пункта Катлубань пад Валгаградам.

Удар па ГРАУ быў нанесены украінскімі сродкамі далёкага паражэння FP-5 «Фламінга».

На тэрыторыі аб’екта зафіксаваны магутныя выбухі з наступнай другаснай дэтанацыяй. Маштабы шкоды цяпер удакладняюцца.

Раней 12 лютага расійскае Міністэрства абароны ўпершыню пацвердзіла прымяненне ракет па тэрыторыі РФ: паводле іх даных, сродкамі СПА нібыта было збіта 5 ракет, цытуе ведамства дзяржаўнае агенцтва ТАСС.

У той жа час на відэа Штылермана з заяўленымі пускамі ракет «Фламінга» было зафіксавана 6 пускаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]