«Супрацоўнікі былі ў паніцы»

У італьянскім візавым цэнтры памёр чалавек.

У візавым цэнтры Італіі ў сераду, 11 лютага, памёр адзін з наведвальнікаў. Інфармацыя пра гэта з'явілася ў адной з галінак чату, дзе абмяркоўваюць падачу дакументаў на Шэнген, заўважыла «Зеркало».

Бліжэй да 16:00 у чаце з'явілася паведамленне пра тое, што каля італьянскага візавага цэнтра стаіць хуткая і ўнутр нікога не пускаюць.

«Ахоўніца сказала, што не будуць [пускаць]. Не змагла забраць пашпарт, але я пяць хвілін пастаяла і пайшла», — так апісала сітуацыю адна з удзельніц чату.

Пазней на пытанне, што адбылося, іншая адказала: «Чалавек памёр».

Судзячы па паведамленнях, камусьці з тых, хто прыйшоў у цэнтр, стала дрэнна.

«Чакаюць міліцыю, да гэтага спрабавалі рэанімаваць, відаць, безвынікова», — паведаміла адна са сведак таго, што адбылося.

А 16:37 адміністратар чату напісаў: «Чалавечая смерць змяняе многія планы… Іх можа проста больш не быць».

«Я была там у той момант. І паверце, там такі жах адбываўся, што работнікам было зусім не да верыфікацыі», — напісала адна з карыстальніц у адказ на пытанне, ці працягнуць праводзіць верыфікацыю.

«Мы — адны з апошніх, хто зараз выйшаў пасля падачы дакументаў, — каля 17:00 адзначыла яшчэ адна ўдзельніца размовы. — Нас прынялі на верхнім паверсе. Сітуацыя непрыемная, людзі нецярплівыя, многіх не хвалюе чужае гора.

Ніхто ні на каго не крычаў, зразумела, што супрацоўнікі былі ў паніцы, усе разгубленыя і занепакоеныя. Разумею, што прыезджым нязручна прыязджаць заўтра, ім пайшлі насустрач і выдалі пашпарты. Спрацавалі настолькі аператыўна, наколькі змаглі. Дзесяць хвілін таму толькі прыехала міліцыя, змяніць сёння яны ўжо нічога не змаглі б».

У тэлеграм-каналах Следчага камітэта і ГУУС Мінгарвыканкама афіцыйнай інфармацыі пра інцыдэнт пакуль няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]