У Крамлі пануе нервавасць

Чаму для арміі РФ адключылі Telegram.

Вельмі добры дзень: Крэмль адрэзаў сабе і сваім вайскоўцам Telegram! Гэта азначае вялізныя праблемы са сувяззю для расійскай арміі. Недарма яны самі там называлі Паўла Дурава «начальнікам сувязі ўсіх Узброеных Сіл РФ». І называлі так недарма: літаральна ўся франтавая камунікацыя з расійскага боку ідзе (ішла) ў Тэлеграме.

У спалучэнні з нядаўнім адключэннем «Старлінка» — гэта, практычна, як Божае Нараджэнне і Новы год для ЗСУ.

Дарэчы, рызыкну выказаць здагадку, што адключэнне Тэлеграма і звышпапулярных ваенных «каналаў-праўдарубаў» можа быць звязана з нервавасцю Крэмля адносна ўнутранай сітуацыі: набліжаецца эканамічны калапс, а разам з ім — масавая незадаволенасць, якая будзе шукаць выхад. Каб розныя праўдашукальнікі не пісалі лішняга і не баламучылі плебс, іх прэвентыўна адключаюць ад аўдыторыі.

Не ведаю, чым менавіта кіраваліся расійскія ўлады, адключаючы сваім вайскоўцам Telegram, але гэтае рашэнне стала па-сапраўднаму царскім падарункам для ЗСУ: расіянам на фронце проста адрубілі ўсякую сувязь.

Спачатку я думаў, што гэта нейкая памылка, але не. Пяскоў кажа, што гэта — дзяржаўная палітыка. Падобна, што ў Крамлі і праўда ўсе думаюць, што расійскія салдаты забяспечаныя ўсім неабходным і спакойна працягнуць ваяваць і без Тэлеграма.

«Ну, вы ведаеце, я не спецыяліст. Гэтыя пытанні трэба адрасоўваць Мінабароны. Не думаю, што можна ўявіць сабе, што франтавая сувязь забяспечваецца праз Telegram або нейкі месэнджар. Уявіць сабе такое цяжка і немагчыма», — сказаў Пяскоў.

Іван Якаўіна, «Фэйсбук»

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]