Беларусь накрыюць сняг, туман і галалёд

Сіноптыкі абвясцілі жоўты ўзровень небяспекі на 12 лютага.

Сіноптыкі Белгідрамета абвясцілі на чацвер, 12 лютага, жоўты ўзровень небяспекі. На гэты раз краіну накрыюць тры надворныя пагрозы – галалёдзіца, туман і моцны снегапад. Апошні, дарэчы, чакаецца ўначы на поўначы рэспублікі, то бок па Віцебшчыне.

Аўтары тэматычнага Telegram-канала «Метеовайб» дадалі, што заўтра Беларусь апынецца пад уплывам «фронтальных раздзелаў і яшчэ больш цёплай паветранай масы», якая ідзе да нас з поўдня Еўропы. Гэта значыць, што на большай частцы краіны пройдуць ападкі. На поўначы – у выглядзе снегу, на поўдні – з дажджом. Гэтую карціну дапоўняць галалёд, туман і галалёдзіца.

Што да тэмпературы, яна працягне расці. Напрыклад, у Мінску ўдзень будзе ў межах -1..+1°С. Сіноптыкі адзначылі, што гэта першая адліга ў сталіцы за апошнія 40 дзён марозу.

Ці надоўга пацяплее?

На жаль, цяпло ў Беларусі надоўга не затрымаецца. Ужо ў гэтыя выхадныя, 14–15 лютага, ў тыле цыклона тэмпература пачне падаць, і ў нядзелю, паводле даных Еўрапейскага цэнтра сярэднетэрміновых прагнозаў (ECMWF), на поўначы не выключаныя 20-градусныя маразы. Увогуле, надвор'евыя арэлі працягваюцца.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]