Пяскоў трапіў у скандал з-за Telegram
1- 11.02.2026, 14:55
- 5,558
Прэс-сакратар Пуціна адмовіўся верыць расійскім вайскоўцам.
У Крамлі засумняваліся, што абмежаванні на працу Telegram здольныя паўплываць на каардынацыю расійскіх вайскоўцаў ва Украіне. «Не думаю, што можна ўявіць, быццам франтавая сувязь забяспечваецца праз Telegram або нейкі мэсэнджар. Уявіць такое цяжка і немагчыма», — сказаў прэс-сакратар прэзідэнта Дзмітрый Пяскоў.
Так ён пракаментаваў заявы z-блогераў пра тое, што Telegram застаецца адзіным спосабам сувязі ў войсках, і блакіроўка сэрвісу «прывядзе да фатальных наступстваў» на фронце.
Каментуючы абмежаванні ў дачыненні да мэсэнджара, Пяскоў зноў падкрэсліў, што «закон трэба выконваць».
«Мы ведаем, што вядуцца кантакты з людзьмі з Telegram, але калі рэакцыі не ідзе, то Раскамнагляд прымае меры», — дадаў ён.
Збоі ў працы мэсэнджара пачаліся 9 лютага, на наступны дзень Раскамнагляд пацвердзіў, што ўзмацніў абмежаванні і абвясціў яго блакіроўку. Гэта выклікала абурэнне z-блогераў, якія заявілі, што запаволенне Telegram прывяло да парушэння ўзаемадзеяння на фронце.
Раней расійскія вайскоўцы нелегальна выкарыстоўвалі на вайне спадарожнікавыя тэрміналы Starlink Ілона Маска, дзякуючы якім забяспечваліся сувязь, кіраванне дронамі і захоўваўся доступ да заблакіраваных у РФ замежных сэрвісаў — напрыклад, да Discord.
Аднак нядаўна ва Украіне запрацавалі «белыя спісы» карыстальнікаў Starlink, незарэгістраваныя тэрміналы былі адключаныя.
Пасля гэтага z-блогеры паскардзіліся, што расійскае камандаванне не стварыла іншых каналаў сувязі для вайскоўцаў і «ўсё вярнулася ў стан пачатку СВА ў 2022 годзе, калі паміж падраздзяленнямі цалкам адсутнічала якая-кольвек каардынацыя».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
