Новыя смартфоны будуць збіраць са старых

Вытворцы прыдумалі спосаб зэканоміць.

З-за рэзкага падаражання аператыўнай памяці вытворцы смартфонаў пачалі звяртацца да незвычайнага спосабу эканоміі: яны вымаюць працуючыя чыпы RAM са старых прылад, аднаўляюць іх і ўсталёўваюць у новыя тэлефоны.

Паводле прагнозаў аналітычнай кампаніі TrendForce, ужо ў 2027 годзе падобныя чыпы можна будзе знайсці амаль у кожным дзесятым смартфоне.

Галоўная прычына такой тэндэнцыі — глабальны дэфіцыт мікрасхем памяці. Попыт на іх рэзка вырас з-за развіцця штучнага інтэлекту: цэнтрам апрацоўкі дадзеных патрэбныя велізарныя аб’ёмы памяці, таму вытворцы чыпаў надаюць прыярытэт больш прыбытковым серверным рашэнням. У выніку на выпуск камплектуючых для смартфонаў застаецца менш рэсурсаў, а іх кошт працягвае расці.

Apple, Samsung і іншыя буйныя гульцы рынку аказаліся больш устойлівымі да крызісу. Аднак у невялікіх вытворцаў значна менш магчымасцяў справіцца з ростам цэн, бо кошт аператыўнай памяці часта складае да 50% ад агульных выдаткаў на вытворчасць іх прылад.

Як старую аператыўную памяць выкарыстоўваюць у новых смартфонах

Сутнасць метаду ў тым, што вытворцы або пастаўшчыкі камплектуючых вымаюць спраўныя мікрасхемы памяці з мацярынскіх плат старых прылад, якія больш не выкарыстоўваюцца. Потым чыпы чысцяць, аднаўляюць і наносяць на іх новыя кантактныя пляцоўкі для пайкі, каб іх можна было паўторна ўсталяваць у іншую прыладу. Гэты працэс называецца reballing.

Паводле даных TrendForce, цяпер паўторна выкарыстоўваюць пераважна модулі аператыўнай памяці LPDDR4X аб’ёмам 4 ГБ. Іх усталёўваюць галоўным чынам у бюджэтныя Android-смартфоны коштам да $200. Пакупнікі такіх прылад асабліва адчувальныя да цаны, таму вытворцам важна не перакладаць усе дадатковыя выдаткі на камплектуючыя на спажыўцоў.

Праўда, у такога рашэння ёсць і недахопы. Стан былых ва ўжыванні мікрасхем можа адрознівацца, а сам працэс аднаўлення патрабуе высокай дакладнасці. Занадта моцны нагрэў або неякасная пайка могуць пашкодзіць кампаненты і пагоршыць іх стабільнасць.

У выніку смартфоны з неякасна адноўленай памяццю могуць часцей падвісаць, раптоўна выключацца і выходзіць з ладу. Для вытворцаў гэта азначае дадатковыя выдаткі на гарантыйны рамонт і рызыку пагаршэння рэпутацыі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]