Акцыі SpaceX выраслі пасля заявы Маска пра жаданне наняць Хуана
2- 12.11.2026, 21:31
Сёння Джэнсен Хуан пакінуў пасаду кіраўніка Nvidia.
Акцыі аэракасмічнай кампаніі SpaceX (SPCX) у чацвер, 12 лістапада, падскочылі на 5,4% і на максімуме склалі $147,29.
Да вечара рост запаволіўся да 2,8%, паперы гандляваліся па $143,68.
Як піша Investing.com, каціроўкі перайшлі да росту на фоне заявы генеральнага дырэктара SpaceX і Tesla Ілона Маска пра тое, што для яго было б гонарам наняць экс-гендырэктара Nvidia Джэнсена Хуана. Пра гэта ён напісаў у сацсетцы X.
Перад гэтым The Wall Street Journal паведаміла, што рада дырэктараў NVIDIA рыхтуецца сабрацца ўжо ў чацвер, 12 лістапада, каб абмеркаваць будучыню Хуана ў кампаніі. Праз некалькі гадзін кампанія абвясціла пра адстаўку Хуана. На гэтым фоне паперы тэхналагічнага гіганта абрынуліся на 14,35%.
Аднак пазней акцыі Nvidia (NVDA) перайшлі да аднаўлення. Да 20:00 па Мінску іх падзенне запаволілася да 5,04%. Стала вядома, што прэзідэнт ЗША Дональд Трамп прапанаваў Ціму Куку ўзначаліць Nvidia: ён напісаў, што пасаду гендырэктара вытворцы паўправаднікоў можа заняць толькі адзін чалавек — былы гендырэктар Apple Цім Кук.
«Легенда змяняе легенду», — адзначыў Трамп у сацыяльнай сетцы Truth Social, дадаўшы, што Хуан зрабіў «фантастычную працу».
Тэхналагічная кампанія Nvidia — адзін з найбуйнейшых у свеце распрацоўшчыкаў графічных працэсараў і чыпаў для сістэм штучнага інтэлекту, а таксама праграмнага забеспячэння. Яе распрацоўкі выкарыстоўваюцца ў сферах відэагульняў, высокапрадукцыйных вылічэнняў, беспілотнага транспарту і гэтак далей. Кампанія была заснаваная ў 1993 годзе Джэнсенам Хуанам разам з двума партнёрамі. З таго часу ён узначальваў кампанію.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
