У Беларусі з'явілася імпартная вакцына ад грыпу
2- 12.11.2026, 9:48
- 2,816
Колькі каштуе такая прышчэпка?
У беларускіх паліклініках і прыватных медцэнтрах з'явілася французская вакцына ад грыпу. Пра гэта Tochka.by паведамілі ў Мінздароўі.
Цяпер разам з бясплатнымі расійскімі прэпаратамі даступны таксама «Ваксигрипп», якім можна прышчапіцца на платнай аснове.
«На дадзены момант вакцыны для прафілактыкі грыпу «Гриппол» вытворчасці Расійскай Федэрацыі і «Ваксигрипп» вытворчасці Францыі маюцца ў наяўнасці і пастаўляюцца ў арганізацыі аховы здароўя ў адпаведнасці з заяўкамі», — адказалі ў Міністэрстве аховы здароўя.
Колькі каштуе прышчэпка?
Напрыклад, у 10-й гарадской паліклініцы вакцына «Ваксигрипп» каштуе 30,32 рубля.
У 2-й цэнтральнай раённай паліклініцы Фрунзенскага раёна прышчапіцца французскай вакцынай можна за 23 рублі.
У 15-й паліклініцы кошт такой прышчэпкі — 24,68 рубля.
У рэгіёнах вакцына таксама з'явілася. У Слуцкай паліклініцы адзначылі, што «Ваксигрипп» паступіў да іх 6 лістапада па цане 32,42 рубля. У Пінскай цэнтральнай паліклініцы гэтая вакцына з'явілася 10 лістапада, прыблізны кошт — каля 30 рублёў.
У прыватных медцэнтрах імпартныя прэпараты сталі даступныя для вакцынацыі на мінулым тыдні. Напрыклад, у «ЛОДЭ» прышчэпачная кампанія пачалася толькі 5 лістапада — даступная французская вакцына за 37,55 рубля.
А ў медыцынскім цэнтры «Гарызонт» усю пастаўленую вакцыну ўжо размеркавалі паміж пацыентамі, якія запісаліся раней — новых паставак не будзе. Тут можна было прышчапіцца і французскім «Ваксигриппам», і «Інфлювак Тэтра» з Нідэрландаў.
У «Экамедсэрвісе» імпартныя вакцыны ад грыпу таксама з'явіліся. Там можна атрымаць «Ваксигрипп» за 55 рублёў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
