У Францыі паведамілі падрабязнасці пра затрыманы расійскі танкер

Ён плыў з Мурманска пад фальшывым сцягам.

Затрыманым танкерам аказаўся нафтавы танкер Grinch, які плыў з Мурманска пад фальшывым сцягам, паведаміла Міжземнаморская марская прэфектура Францыі.

Затрыманне адбылося 22 студзеня ў моры Альборан— на захадзе Міжземнага мора, недалёка ад Гібралтарскага праліву. Аперацыя праводзілася на падставе арт. 110 Канвенцыі ААН па марскім праве і мела мэтай праверку сапраўднай прыналежнасці судна, бо яго падазравалі ў выкарыстанні фальшывага сцяга. У затрыманні танкера, акрамя Францыі, удзельнічала і Вялікабрытанія.

Праверка дакументаў на борце пацвердзіла падазрэнні французскіх уладаў, таму справу было перададзена пракурору ў Марселі.

Згодна з міжнародным правам і па патрабаванні пракурора танкер быў зняты з маршруту і ў суправаджэнні нацыянальнага флоту накіраваны на спецыяльную стаянку для далейшай праверкі.

Паводле інфармацыі выдання BFMTV, танкер рухаўся пад сцягам Каморскіх астравоў, пад якім ён паказваецца і на сайтах адсочвання марскога руху. Танкер рэгулярна дастаўляў нафту ў парты Кітая і Індыі.

BFMTV таксама адзначае, што ў брытанскім спісе танкераў ценявога флоту Расіі ён вядомы пад назвай Grinch, а ў еўрапейскім і амерыканскім — як Carl.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]