Трамп падаў пазоў супраць JPMorgan на $5 млрд

За адмову абслугоўваць яго.

Дональд Трамп падаў у суд на банк JPMorgan Chase і яго галоўнага выканаўчага дырэктара Джэймі Даймана, абвінаваціўшы іх у адмове абслугоўваць яго выключна па палітычных прычынах. Сума пазову складае $5 млрд, паведамляе Fox News.

Прэзідэнт падаў пазоў у акруговы суд Маямі. У пазове сцвярджаецца, што JPMorgan парушыў уласныя прынцыпы вядзення бізнесу, у якіх гаворыцца пра прыхільнасць банка да працы «з найвышэйшым узроўнем сумленнасці і этычнымі паводзінамі». «Нягледзячы на заявы пра тое, што кампанія прытрымліваецца гэтых прынцыпаў, JPMC парушыў іх, у аднабаковым парадку — без папярэджання і магчымасці выправіць сітуацыю — закрыўшы некалькі банкаўскіх рахункаў пазоўніка», — гаворыцца ў пазоўнай заяве.

Дональд Трамп распавёў у жніўні мінулага года, што JPMorgan і Bank of America адмовілі яму ў абслугоўванні па палітычных прычынах. Паводле яго слоў, у JPMorgan яму паведамілі, што ў яго ёсць 20 дзён, каб перанесці «сотні мільёнаў долараў наяўнымі» ў іншы банк. Затым у Bank of America прэзідэнту адмовілі ва ўнясенні дэпазіту на суму больш за мільярд долараў. Але ў пазове сцвярджаецца, што згаданыя банкі перасталі абслугоўваць спадара Трампа і яго кампаніі яшчэ ў 2021 годзе. Банкі адмаўляюць усе абвінавачанні прэзідэнта.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]