Белы дом пераблытаў Бельгію з Беларуссю і ўключыў яе ў спіс удзельнікаў «Рады міру» Трампа

Бельгія не падпісвала дагавор.

Белы дом памылкова дадаў Бельгію ў спіс краін, якія будуць удзельнічаць у «Радзе міру» прэзідэнта ЗША Дональда Трампа. Як высветлілася, Вашынгтон пераблытаў краіну з Беларуссю. Пра памылку паведаміў кіраўнік МЗС Бельгіі Максім Прэво.

«Бельгія не падпісвала дагавор «Рады міру». Гэта паведамленне з'яўляецца памылковым. Мы хочам агульнага і скаардынаванага еўрапейскага адказу. Як і многія іншыя еўрапейскія краіны, у нас ёсць сумневы адносна гэтай прапановы», — напісаў Прэво ў X.

Як піша VRT са спасылкай на крыніцы ў бельгійскім урадзе, Белы дом пераблытаў Бельгію з Беларуссю.

Спіс краін, якія ўжо афіцыйна пагадзіліся далучыцца да «Рады міру», Белы дом апублікаваў незадоўга да падпісання пагаднення прэзідэнтам Дональдам Трампам у швейцарскім Давосе. Спіс краін выглядаў так: Бахрэйн, Марока, Аргенціна, Арменія, Азербайджан, Балгарыя, Егіпет, Венгрыя, Інданезія, Іарданія, Казахстан, Косава, Манголія, Пакістан, Парагвай, Катар, Саудаўская Аравія, Турцыя, Аб'яднаныя Арабскія Эміраты, Узбекістан і Бельгія. Спіс са спасылкай на адміністрацыю прэзідэнта ЗША таксама распаўсюдзілі журналісты розных медыя.

Пры гэтым, за выключэннем Венгрыі і Балгарыі, на 22 студзеня ніводная краіна ЕС не падпісала дагавор аб далучэнні да «Рады міру».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]