Былы топ-менеджар прадпрыемства «Гродна Азот» узначаліў філіял «Уралхіма»
2- 22.01.2026, 18:35
- 2,652
Сяргей Сілівонік прызначаны кіраўніком карпарацыі ў Пермскім краі.
Сяргей Сілівонік, які быў першым намеснікам генеральнага дырэктара і галоўным інжынерам «Гродна Азот», перайшоў працаваць у расійскую карпарацыю «Уралхім» і стаў дырэктарам яе філіяла ў горадзе Бярэзнікі. Пра гэта паведамляецца на сайце кампаніі, заўважыў Office Life.
Сяргей Сілівонік нарадзіўся ў 1982 годзе. У 2004‑м ён скончыў Беларускі дзяржаўны тэхналагічны ўніверсітэт па спецыяльнасці «хімічная тэхналогія вытворчасці і перапрацоўкі неарганічных матэрыялаў і рэчываў, тэхналогія мінеральных угнаенняў, соляў і шчолачаў». У 2018‑м атрымаў адукацыю ў Акадэміі кіравання пры Прэзідэнце Беларусі па спецыяльнасці «Эканоміка і кіраванне на прадпрыемстве прамысловасці».
Сваю кар'еру на прадпрыемстве «Гродна Азот» Сілівонік пачаў у 2004 годзе. У 2014‑м стаў начальнікам цэха, а ў 2018‑м — начальнікам упраўлення па рэалізацыі будаўніцтва азотнага комплексу. З 2019 года працаваў галоўным інжынерам прадпрыемства, а з 2021 года — першым намеснікам генеральнага дырэктара і галоўным інжынерам.
20 студзеня 2026 года ён узначаліў філіял «Азот» ААТ «АХК «Уралхім» у Бярэзніках. На гэтай пасадзе Сілівонік будзе адказваць за аперацыйную эфектыўнасць, прамысловую бяспеку, якасць прадукцыі і выкананне планавых паказчыкаў.
Філіял «Уралхіма» ў Бярэзніках Пермскага краю — адзіны ў Расіі вытворца вышэйшых аліфатычных амінаў, натрыевай селітры і крышталічнага нітрыту натрыю. Асноўная прадукцыя — аміячная селітра, тэхнічны аміяк, аміячная вада і іншае. «Уралхім» з'яўляецца адным з найбуйнейшых у свеце вытворцаў і экспарцёраў азотных угнаенняў.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
