У Дзярждуме РФ забаранілі фатаграфаваць дэпутатаў

За «наўмысна дрэнныя кадры».

У расійскую Дзярждуму перасталі пускаць фотакарэспандэнтаў на пасяджэнні. У прэс-службе парламента паведамілі, што балкон, дзе заўсёды працавалі здымальнікі, прызначаны толькі для аператараў федэральных тэлеканалаў.

Пра гэта паведамляе РБК-Украіна са спасылкай на расійскія СМІ.

Напярэдадні такога рашэння спікер Дзярждумы Вячаслаў Валодзін на пленарным пасяджэнні публічна адчытаў фатографаў думскага пула, абвінаваціўшы іх у тым, што яны нібыта наўмысна стараюцца «паказаць дэпутатаў у дрэнным выглядзе».

«Калі вы трапляеце ў самыя розныя сітуацыі, звярніце ўвагу, мы ніколі з вас не кпім, ніколі вас не крыўдзім і не здзекуемся, прасцей кажучы. А калі вы з балкона здымаеце, ловіце моманты, але, напэўна, тыя моманты, якія і ў вашым жыцці прысутнічаюць. Няправільна гэта», - заявіў ён.

Варта адзначыць, што апошнім часам многім расійскім дэпутатам вельмі не падабалася, як яны «атрымліваюцца на фатаграфіях». Нядаўна партыя «Адзіная Расія» разаслала папярэджанне сваім дэпутатам пра прысутнасць у зале пасяджэнняў фотакарэспандэнтаў, заклікаўшы памятаць пра магчымасць трапіць на здымак буйным планам.

Прыкметна, што зусім нядаўна, 28 снежня, Вячаслаў Валодзін выказаў гэтым жа фотакорам падзяку, прынагульна назваўшы Дзярждуму Расіі «найбольш адкрытым парламентам свету».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]