Зяленскі адмовіўся ад паездкі ў Давос

Ён застаецца ва Украіне.

Прэзідэнт Украіны Уладзімір Зяленскі заявіў, што застаецца ва Украіне, дзе каардынуе працу службаў з-за сітуацыі ў энергетыцы.

Паводле яго слоў, цяпер гэта «найважнейшы прыярытэт», і ён «абірае Украіну», маючы на ўвазе паездку на эканамічны форум у Давосе.

«Пакуль у мяне ёсць план, як дапамагчы людзям з энергетыкай. Я правёў адпаведныя кансультацыі з энергетычным штабам… Гэта цяпер найважнейшы прыярытэт. Але ўсё можа змяніцца кожную хвіліну, бо для мяне, для ўкраінцаў вельмі важна скончыць гэтую вайну», — адзначыў прэзідэнт падчас зносін з журналістамі.

Паводле яго, «план росквіту» і гарантыі бяспекі, якія планавалася падпісаць у Давосе з ЗША, яшчэ не канчаткова ўзгодненыя. Яго паездка яшчэ можа адбыцца, калі пагадненні будуць гатовыя да падпісання або з'явяцца рашэнні наконт паставак сістэм СПА або новай дапамогі Кіеву.

Axios таксама пацвярджае, што падпісанне «плана росквіту» Зяленскага з Дональдам Трампам было скасавана. Пры гэтым амерыканская крыніца выдання адзначыла, што ўвогуле ніякія даты не былі прызначаныя, план яшчэ патрабуе дапрацоўкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]