«Пуцін знік, Масква апусцела»

Юрый Фельштынскі назваў два крокі для спынення вайны Расіі супраць Украіны.

Вядомы амерыканскі пісьменнік і гісторык Юрый Фельштынскі распавёў, чаму вырашыў напісаць кнігу «Беларусь Наталлі Радзінай. Журналістка супраць дыктатара». На прэзентацыі кнігі, якая адбылася 16 студзеня ў варшаўскім Цэнтры Анджэя Вайды, ён заявіў, што Беларусь надзвычай важная для Еўропы:

— Калі паглядзець на мапу, то цалкам зразумела, што Беларусь — гэта расійскія вароты ў Еўропу. У добрыя часы — гэта вароты для гандлю. А ў дрэнныя часы, на жаль, у якія мы цяпер жывём, гэта вароты для нападу. І на тле расійска-ўкраінскай вайны стала відавочна, што кантроль над Беларуссю — гэта, адпаведна, вароты для расійскага ўварвання ў Еўропу. Атрымліваецца, што вывад Беларусі з-пад расійскага кантролю, вызваленне Беларусі ад расійскай акупацыі, а таксама ўступленне Беларусі ў ЕС і НАТА вырашаюць пытанне еўрапейскай бяспекі.

Амерыканскі гісторык перакананы, што змена рэжыму Лукашэнкі — простая задача для Еўропы і Украіны:

— Мы часта гаворым пра неабходнасць змены рэжыму ў Расіі. Але я павінен вам сказаць як гісторык, што змяніць рэжым у Расіі, калі ў выніку ціхога перавароту ў 2000 годзе да ўлады там прыйшла дзяржбяспека, — задача вельмі складаная. І калі глядзець на яе рэалістычна, гэта задача на дзесяцігоддзі. Я не належу да тых крытыкаў рэжыму Пуціна, якія лічаць, што з яго ўстараненнем усё стане на свае месцы. Лічу, што гэтая праблема значна больш сур'ёзная, глыбокая. І калі падыходзіць да яе вырашэння рацыянальна, то трэба ставіць пытанне не пра змену рэжыму ў Расіі, а пра змену рэжыму ў Беларусі. А вось гэта задача абсалютна разумная і рэальная. І яна рэалізуецца на тле вайны Расіі з Украінай, і яна рэалізуецца тымі сіламі, якія ўжо сёння мае Украіна. Еўропа была абавязаная пра гэта думаць, час ад часу глядзець на мапу і ў 2020 годзе са свайго боку дапамагчы беларускаму народу скінуць гэты рэжым.

Таксама амерыканскі гісторык перакананы, што ўдар па Маскве і змена рэжыму Лукашэнкі — дзве ўмовы для спынення вайны Расіі супраць Украіны:

— Уварванне ў Курскую вобласць і аперацыя «Павуціна» — задачы значна цяжэйшыя за змену рэжыму Лукашэнкі. Аднак, як мы бачым, няма палітычнага рашэння такога тыпу. Чаму яно не прынятае — іншае пытанне.

Што тычыцца удараў па Маскве — адзіная тэрыторыя, якая нешта вызначае ў Расіі, гэта сталіца РФ. Трэба быць вельмі непрафесійным чалавекам (не хочацца казаць «ідыётам»), каб гэтага не разумець. Не толькі таму, што ў Маскве сканцэнтравана 10% насельніцтва, што вельмі шмат, усе мільянеры, прапагандысты і чыноўнікі — у Маскве.

Самае галоўнае — калі 24 красавіка 2023 года камандзір «Вагнера» Уткін напісаў твіт, што ідзе на Маскву, Пуцін знік. Сталіца Расіі апусцела, можна паглядзець кадры тых дзён. Масква вымерла. Па горадзе ездзіла нейкая вайсковая тэхніка. Людзі ў вайсковай форме бралі пад кантроль будынкі, на якія ніхто не збіраўся нападаць.

Таму калі стаіць задача спыніць гэтую вайну — трэба наносіць удары па Маскве. Інакш Расію за стол перамоў не пасадзіць. Калі ёсць ідэя паспрабаваць стварыць сітуацыю, калі ў Расіі з’явяцца сілы, якія будуць зацікаўленыя ў ліквідацыі рэжыму Пуціна, яны могуць падняцца толькі ў тым выпадку, калі будуць нанесеныя ўдары па Маскве.

Поўны рэпартаж сайта Charter97.org з прэзентацыі кнігі «Беларусь Наталлі Радзінай» можна прачытаць тут.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]