«Расіі не давяраюць нават саюзнікі»

РФ стала прыстанішчам для дыктатараў, што прайгралі.

Расія ўжо ўспрымаецца як ненадзейны саюзнік, да яе няма даверу. Пуцін неаднаразова паказваў, што можа парушыць любую дамову. У тым ліку і ў дачыненні да тых краін, якія з'яўляюцца партнёрамі Расіі. Масква — гэта саюзнік, які можа ў любы момант цябе кінуць.

На гэтым акцэнтаваў увагу вядомы ўкраінскі палітолаг Уладзімір Фесенка.

Такая пазіцыя дыктатара яскрава выявілася на Блізкім Усходзе, у гісторыі з рэжымам Башара Асада. А таксама падчас так званай 12-дзённай вайны паміж Ізраілем і Іранам, нагадаў палітолаг.

- Злучаныя Штаты тады нанеслі ўдар па тэрыторыі Ірана. І, здавалася б, літаральна перад гэтым Іран падпісаў дагавор аб стратэгічным партнёрстве з Расіяй. Іранскія кіраўнікі ездзілі ў Расію, прасілі аб дапамозе. А падтрымкі практычна не было — толькі на словах. І Іран тады пацярпеў адчувальныя паразы, — адзначыў Фесенка.

Пратэсты, што пачаліся ў Іране напрыканцы мінулага года і працягваюцца цяпер, таксама паказалі слабасць і ўразлівасць іранскага рэжыму. Паказалі, што ён усё больш і больш супярэчыць настроям, чаканням і інтарэсам простых грамадзян краіны, лічыць палітолаг.

- Іранскі рэжым заўсёды абапіраўся на падтрымку Крэмля. А цяпер відавочна, што гэтая падтрымка вельмі ўмоўная. І ў Іране, думаю, вельмі баяліся, што Крэмль можа таксама прынесці ў ахвяру цяперашняе іранскае кіраўніцтва дзеля «сяброўства з Трампам», — сказаў Фесенка.

З іншага боку, адна з матывацый і для Башара Асада, і для некаторых іншых дыктатараў сябраваць з Пуціным — гэта месца для ўцёкаў. Каб было куды бегчы. На выпадак, калі ўзнікнуць праблемы, дадаў спікер.

«У РФ ужо з'явіўся іранічны жарт пра тое, што менавіта пуцінская Расія стала галоўным прыстанішчам для розных дыктатараў-уцекачоў, якіх скінулі і якія ў выніку ўцякаюць у Маскву. Вось Башар Асад прыехаў у Расію. Януковіч там апынуўся ў свой час. То-бок, гэта прыстанішча для дыктатараў, што прайгралі. Для былых саюзнікаў. Гэта як кампенсацыя за сяброўства. Абароняць не сталі, але хоць дамо вам месца, дзе вы можаце дажываць свой век. Вось гэта адзіная кампенсацыя, якую, уласна, Расія прадастаўляе сваім саюзнікам», — адзначыў палітолаг.

Але поўнага даверу да Расіі няма, і калі з ёй пра нешта дамаўляюцца, лічыць Фесенка, у яе партнёраў ужо ёсць разуменне, што могуць быць праблемы, і на Маскву нельга цалкам спадзявацца.

Палітолаг таксама прывёў яшчэ адзін паказальны прыклад — адносіны РФ з Кітаем, у якіх Пекін дамінуе.

«У Кітаі таксама не вельмі спадзяюцца на Расію і разумеюць, што гэта саюзнік, які можа і здрадзіць пры выпадку. Калі пачалося заграванне Пуціна з Трампам, у Кітаі таксама пачалі глядзець на гэта з падазрэннем. Яны не робяць афіцыйных заяў, не выступаюць з нейкімі асуджэннямі гэтага. Але Кітай паказвае, што яму гэта не дужа даспадобы. І Кітай не напрамую, але стрымлівае Расію. Паводзіць сябе больш жорстка пры куплі расійскіх прыродных рэсурсаў. То-бок, так, гатовыя купляць, але з вялікай зніжкай. Так, каб гэта было выгадна, але і каб паказаць Расіі, што вы цяпер ад нас залежыце», — сказаў палітолаг.

Паводле яго слоў, Кітай таксама паказвае, што яму не падабаецца адкрытае заграванне Пуціна з Трампам, у тым ліку ў кантэксце расійска-украінскай вайны.

«Кітайцы летась заяўлялі, што еўрапейцы мусяць удзельнічаць у перамоўным працэсе па Украіне, што супярэчыць устаноўкам Крэмля», — адзначыў Фесенка.

Гэта, лічыць ён, невялікія, але вельмі паказальныя прыклады таго, што нават старэйшы партнёр, а цяпер у адносінах да Расіі Кітай менавіта такі, таксама можа быць незадаволены дзеяннямі Крэмля і таксама ставіцца да РФ без належнага даверу.

«Пуцін, які хваліцца тым, што нібыта здольны дамаўляцца, насамрэч сваімі дзеяннямі ў дачыненні да Украіны, да еўрапейцаў неаднаразова паказваў, што можа парушыць любую дамову. У тым ліку і ў дачыненні да тых краін, якія з'яўляюцца партнёрамі Расіі», — падсумаваў эксперт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]