Трамп прыгразіў тарыфамі краінам, якія не пагодзяцца з ім наконт Грэнландыі

Па яго меркаванні, ЗША павінны кіраваць востравам.

Прэзідэнт ЗША Дональд Трамп прыгразіў увядзеннем тарыфаў супраць краін, якія не пагодзяцца з яго бачаннем будучыні Грэнландыі.

Пра гэта ён сказаў падчас выступу ў Белым доме.

Амерыканскі прэзідэнт, каментуючы пытанне пра тарыфы на лекі, узгадаў пра Грэнландыю. Трамп адзначыў, што можа ўвесці пошліны супраць тых краін, якія не згодныя з яго пазіцыяй пра тое, што ЗША павінны кіраваць востравам.

- Я магу ўвесці пошліну для краін, калі яны не пагодзяцца наконт Грэнландыі, бо нам патрэбная Грэнландыя для нацыянальнай бяспекі. Я магу гэта зрабіць, — сказаў прэзідэнт ЗША.

Нагадаем, на гэтым тыдні шэраг еўрапейскіх краін абвясцілі, што накіроўваюць сваіх вайскоўцаў у Грэнландыю. Гэта адбылося на фоне заяў прэзідэнта ЗША пра тое, што дацкая абарона Грэнландыі — гэта «дзве сабачыя запрэжкі».

У Белым доме напярэдадні заявілі, што размяшчэнне вайскоўцаў з еўрапейскіх краін у Грэнландыі не паўплывае на планы прэзідэнта Трампа, што да кантролю над востравам.

А міністр абароны Германіі Барыс Пісторыус заявіў, што не чакае захопу Грэнландыі Злучанымі Штатамі, нягледзячы на пагрозы прэзідэнта ЗША Дональда Трампа.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]