Кітай упершыню за пяць гадоў скараціў гандаль з Расіяй
2- 14.01.2026, 18:41
Пекін скараціў закупкі амаль усіх ключавых расійскіх сыравінных тавараў.
У 2025 годзе Кітай упершыню за апошнія пяць гадоў скараціў аб’ёмы гандлю з Расіяй. Пра гэта паведамляе Reuters са спасылкай на даныя мытнай службы КНР.
Агульны тавараабарот паміж краінамі, які рэзка вырас пасля пачатку вайны ва Украіне і фактычнага закрыцця для Расіі заходніх рынкаў, па выніках года скараціўся на 6,5% — да 1,63 трлн юаняў (каля $234 млрд). Скарачэнне закранула абодва напрамкі: экспарт кітайскіх тавараў у РФ зменшыўся на 3,4%, а пастаўкі расійскай прадукцыі ў Кітай — на 9,9%.
Падрабязная статыстыка за студзень–лістапад паказвае, што Пекін скараціў закупкі амаль усіх ключавых расійскіх сыравінных тавараў. У грашовым выражэнні імпарт нафты ўпаў на 20%, нафтапрадуктаў — на 16–40%, звадкаванага газу — на 1,8%, вугалю — адразу на 29%.
Амаль у тры разы зменшыліся пастаўкі чорных металаў, на 8,7% — экспарт драўніны. Рост зафіксаваны толькі па асобных пазіцыях: трубаправодны газ і каляровыя металы. Так, пастаўкі алюмінію выраслі на 68%, нікелю — на 53%, медзі — на 67%.
Скарачэнне кітайскага экспарту ў Расію ў значнай ступені звязана з падзеннем продажаў аўтамабіляў, адзначаюць эксперты Інстытута Гайдара. З-за павелічэння ўтылізацыйнага збору і рэзкага росту кошту аўтакрэдытаў закупкі машын з КНР аказаліся амаль удвая ніжэйшыя, чым у 2024 годзе. Таксама на 11% скараціліся пастаўкі прамысловага абсталявання, якое раней замяняла заходнія тэхналогіі.
Пасля пачатку паўнамаштабнай вайны і ўвядзення беспрэцэдэнтных санкцый гандаль з Кітаем стаў для расійскай эканомікі ключавой крыніцай падтрымкі. Аднак свежыя даныя ўказваюць на тое, што і гэты «выратавальны круг» пачынае аслабляцца.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
