Беларускія дранікі могуць трапіць у спіс ЮНЕСКА

Цяпер у гэтым спісе ёсць 11 беларускіх аб'ектаў.

Беларускія стравы з бульбы могуць трапіць у Спіс нематэрыяльнай культурнай спадчыны ЮНЕСКА, піша БелТА.

Паводле слоў начальніцы ўпраўлення па ахове гісторыка-культурнай спадчыны Міністэрства культуры Ірыны Дашчынскай, цяпер у Беларусі для вылучэння ў спіс ЮНЕСКА распрацоўваецца нацыянальнае дасье страў з цёртай бульбы з традыцыямі іх прыгатавання і спажывання.

Прадстаўніца Мінкульта нагадала, што цяпер Беларусь прадстаўлена ў спісах ЮНЕСКА чатырма матэрыяльнымі аб'ектамі: Белавежскай пушчай, замкавым комплексам «Мір», архітэктурна-культурным комплексам рэзідэнцыі Радзівілаў у Нясвіжы і геадэзічнай Дугай Струвэ. Таксама ў пераліку сем нематэрыяльных аб'ектаў: святочны калядны абрад «Калядныя цары» ў вёсцы Семежава Капыльскага раёна, урачыстасць ушанавання абраза Маці Божай Будслаўскай, вясновы абрад «Юр'еўскі карагод» у вёсцы Пагост Жыткавіцкага раёна, культура ляснога бортніцтва, саломапляценне ў Беларусі, вытынанка, а таксама няглюбская тэкстыльная традыцыя.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]