Беларусь і Зімбабвэ будуць супрацоўнічаць у ваеннай сферы

Апублікаваны дакумент, які падпісаў Хрэнін.

Нацыянальны прававы інтэрнэт-партал апублікаваў 14 студзеня тэкст пагаднення паміж міністэрствамі абароны Беларусі і Зімбабвэ аб ваенным супрацоўніцтве. Дакумент быў падпісаны 15 снежня 2025 года падчас візыту Віктара Хрэніна у Харарэ.

Дакумент прадугледжвае ваеннае супрацоўніцтва ў такіх сферах, як ваенная адукацыя і медыцына, ваенныя СМІ, правядзенне сумесных мерапрыемстваў, аператыўная і баявая падрыхтоўка вайскоўцаў, ваенна-навуковая, навукова-тэхнічная і даследчая дзейнасць, сумесныя даследаванні і распрацоўкі, а таксама сістэмы радыёэлектроннай барацьбы, інфармацыйныя сістэмы і сродкі сувязі ваеннага прызначэння. Таксама магчыма супрацоўніцтва ў іншых сферах.

Згодна з пагадненнем, прадстаўнікі краін не прымаюць удзелу ва варожых дзеяннях, якія могуць пацягнуць за сабой парушэнне міру, унутранай бяспекі і канстытуцыйнага ладу ў краіне-партнёры.

15 снежня, падчас візыту ў Харарэ, міністр абароны Беларусі Віктар Хрэнін правёў перамовы са сваёй зімбабвійскай калегай Оппа Мучынгуры-Кашыры. Ён адзначыў, што «ў ваенным плане Беларусі ёсць што прапанаваць Зімбабвэ».

Па выніках перамоваў кіраўнікі ваенных ведамстваў падпісалі міжведамаснае пагадненне аб ваенным супрацоўніцтве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]