Трамп рэзка адрэагаваў на заяву прэм’ера Грэнландыі

З-за жадання палітыка «застацца з Даніяй».

Прэм’ер-міністр Грэнландыі Енс-Фрэдэрык Нільсэн на прэс-канферэнцыі з прэм’ер-міністрам Даніі Мэтэ Фрэдэрыксэн заявіў, што востраў «выбірае Данію» і не будзе належаць Вашынгтону і кіравацца ім. Гэтая заява выклікала гнеў прэзідэнта ЗША Дональда Трампа.

«Калі нам давядзецца выбіраць паміж ЗША і Даніяй проста цяпер, мы выберам Данію, НАТА і ЕС», — цытуе заяву Нільсэна The Guardian.

Ён дадаў, што «мэта і жаданне вострава — мірны дыялог з акцэнтам на супрацоўніцтва». Паводле яго слоў, імкненне Трампа да захопу вострава таксама з’яўляецца пытаннем «міжнароднага права і нашага права на ўласную краіну».

Пры гэтым прэзідэнт ЗША рэзка адрэагаваў на гэтую заяву і абрынуўся на Нільсэна з пагрозамі.

Журналісты папрасілі Трампа пракаментаваць сцвярджэнне, што Грэнландыя жадае заставацца ў саюзе з Даніяй, на што ён спытаў: «Хто гэта сказаў?».

Даведаўшыся, што гэтую заяву агучыў прэм’ер Грэнландыі, Трамп сказаў, што «не ведае, хто ён такі» і «нічога пра яго не ведае».

«Ну, гэта іх праблема. Я з ім не згодны. Нічога пра яго не ведаю, але для яго гэта будзе вялікая праблема», — заявіў кіраўнік Белага дома.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]