Генсек НАТА паведаміў пра катастрафічныя страты арміі РФ ва Украіне
5- 13.01.2026, 21:42
- 2,914
Фота: Getty Images
Расія губляе 25 тысяч чалавек у месяц.
Расія падчас наступу на Украіну кожны месяц губляе да 25 тысяч чалавек, заявіў генеральны сакратар НАТА Марк Рутэ. Паводле яго слоў, гаворка ідзе пра забітых расійскіх ваенных.
«Цяпер Расія страчвае велізарную колькасць салдат праз стойкую абарону Украіны. За адзін месяц гэта ад 20 000 да 25 000 забітых расійскіх салдат. Я кажу не пра цяжкапараненых, а пра забітых. Калі параўнаць гэта з вайной у Афганістане ў 1980-я гады, дзе яны страцілі каля 20 000 салдат за 10 гадоў, — кантраст разючшы. Цяпер яны губляюць столькі ж — і нават больш — усяго за адзін месяц», — сказаў Рутэ на канферэнцыі «Глабальная Еўропа».
NATO’s Rutte:
Let’s not forget that, at the moment, the Russians are losing massive numbers of soldiers due to the Ukrainian defense—the staunch Ukrainian defense.
In a single month, this amounts to 20,000 to 25,000 Russian soldiers killed. I am not talking about those… pic.twitter.com/IGPrnrjYnX
— Clash Report (@clashreport) January 13, 2026
Зыходзячы са слоў генсека НАТА, РФ толькі за 2025 год магла страціць ва Украіне забітымі 300 тысяч чалавек, а калі спраецыраваць гэтыя даныя на амаль чатыры гады вайны, то гэта 1,2 млн загінулых на фронце расіян.
Тым часам, паводле ацэнак НАТА, сукупныя страты расійскіх войскаў на «СВА», якая па працягласці ўжо перавысіла Вялікую Айчынную вайну, забітымі і параненымі на снежань 2025 года склалі 1,15 млн чалавек. Сярод параненых інвалідамі сталі, паводле падлікаў, прыкладна 400 тысяч чалавек, што супастаўна з насельніцтвам Бранска або Цвера.
У снежні старшы навуковы супрацоўнік Carnegie Endowment Майкл Кофман ацэньваў непапраўныя штомесячныя страты Расіі ў 25 тысяч чалавек, адзначаючы, што Масква з бягучым тэмпам набору ў 30–35 тысяч кантрактнікаў у месяц здольная толькі папаўняць асабовы склад, а не назапашваць сілы для новых прарываў.
Рутэ таксама падкрэсліў, што Масква не дэманструе ніякіх прыкмет змякчэння сваёй пазіцыі ў дачыненні да НАТА. «Няма падстаў меркаваць, што Расія ў бліжэйшы час зменіць агрэсіўны і безразважны лад дзеянняў. Наадварот, яна імкнецца да доўгатэрміновай канфрантацыі», — заявіў ён.
Рутэ дадаў, што РФ дзеля дасягнення гэтай мэты ўзаемадзейнічае з Кітаем, Іранам і Паўночнай Карэяй. На думку кіраўніка Паўночнаатлантычнага альянсу, гэтыя чатыры краіны «усё актыўней супрацоўнічаюць, каб кінуць выклік НАТА», але ў блоку «ёсць перавага» — гэта шматгадовае партнёрства паміж дзяржавамі — членамі арганізацыі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас [email protected]
