У Мінску выявілі загінулую дзяўчыну ў канале Сляпянскай сістэмы

Яе адзенне падобнае да адзення Яны Кастрэнкавай — дачкі дырэктара буйнога агракамплексу.

Загінулую дзяўчыну выявілі ў адным з каналаў Сляпянскай сістэмы ў Мінску раніцай 12 студзеня, паведаміў АСВОД.

«Сёння ўдзень у акваторыі Сляпянскай воднай сістэмы пры правядзенні сумесных пошукавых работ МУС, МНС і АСВОД была выяўлена загінулая дзяўчына», — паведамілі ў АСВОД.

У гэтым жа раёне на 9 студзеня планавалі пошук зніклай 30 снежня Яны Кастрэнкавай, аднак з-за складаных умоў надвор'я яго адмянілі, піша «Зеркало».

У Следчым камітэце пасля выяўлення цела ля дома на Філімонава паведамілі, што на ім няма бачных цялесных пашкоджанняў.

«Адзенне, якое было на ёй, паводле вонкавых прыкмет падобнае да таго, у якое была апранутая зніклая напярэдадні Яна Кастрэнкава», — паведамілі ў СК,

Дакладныя звесткі пра асобу загінулай будуць атрыманыя пасля правядзення апазнання. Прызначана судова-медыцынская экспертыза для высвятлення дакладнай прычыны смерці дзяўчыны.

Нагадаем, пасты пра знікненне 21-гадовай Яны актыўна разыходзіліся па сацсетках. Дзяўчына — дачка дырэктара буйнога агракамплексу. Апошні раз на сувязь яна выходзіла 30 снежня, з таго часу блізкім было невядома пра яе месцазнаходжанне.

У другой палове дня 30 снежня дзяўчыну заўважылі паблізу сталічных вуліц Філімонава і Макаёнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]