СБУ расследуе катаванні ўкраінскіх палонных на тэрыторыі Беларусі

Названыя магчымыя падазраваныя.

Галоўнае следчае ўпраўленне Службы бяспекі Украіны адразу пасля вызвалення ад расійскіх войскаў Кіеўскіх і Чарнігаўскіх вобласцей узбудзіла крымінальную справу па фактах ваенных злачынстваў на часова акупаваных украінскіх тэрыторыях і непасрэдна ў Расіі, а цяпер дадала ў яе эпізоды пра катаванні ў Беларусі.

Справу ўзбудзілі яшчэ 15 красавіка 2022 года. Як паведаміў «Радыё Свабода» крыніца, блізкая да праваахоўных органаў Украіны, цяпер у справе шмат эпізодаў жорсткага абыходжання з украінскімі ваеннапалоннымі і цывільнымі асобамі з боку, сярод іншых, «неўстаноўленых асоб з ліку палітычнага кіраўніцтва і кіраўніцтва Узброеных Сіл, іншых ваенных фармаванняў і праваахоўных органаў Расіі на часова акупаваных тэрыторыях Украіны, на тэрыторыі Расіі і Рэспублікі Беларусь».

У межах расследавання па справе пацярпелымі прызнаныя больш за 300 чалавек, пераважна раней вызваленыя з расійскага палону ўкраінскія цывільныя і вайскоўцы. Некалькі дзесяткаў чалавек прызнаныя падазраванымі — гэта грамадзяне Расіі і Украіны, якія незаконна затрымлівалі ўкраінцаў і змяшчалі іх у турмы, калоніі, імправізаваныя ізалятары, створаныя на тэрыторыі прадпрыемстваў, прамысловых складоў і ў падвалах на захопленых украінскіх тэрыторыях.

Сярод абвінавачаных — вайскоўцы не толькі рэгулярных армейскіх фармаванняў, але і прыватных армій Расіі, у тым ліку прыватнай ваеннай кампаніі «Вагнер».

Субяседнік «Свабоды» не ўдакладніў, якія эпізоды катаванняў на тэрыторыі Беларусі расследуюцца ў межах справы.

Вядома прынамсі адно месца, дзе гэта магло адбывацца — расійскі фільтрацыйны лягер, размешчаны ў горадзе Нараўля Гомельскай вобласці і які дзейнічаў на пачатку поўнамаштабнага ўварвання ва Украіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]