Навукоўцы навучылі грака па мянушцы Лео разумець і выконваць галасавыя каманды

Гэтыя птушкі нечым падобныя да сабак, малп і цюленяў.

Група брытанскіх даследчыкаў правяла серыю паводніцкіх эксперыментаў з удзелам гракоў. Назіраючы за навучальнасцю птушак, навукоўцы заўважылі, што адзін самец пастаянна адклікаўся на гаворку навукоўца. Напрыклад, рэагаваў на словы «ідзі сюды» або «чакай». Уражаныя «кмітлівасцю» Лео, спецыялісты вырашылі правесці яшчэ адзін эксперымент: мэтава вучыць жывёл камандам.

Птушкі знаходзіліся ў асобным лабараторным адсеку. У пэўны момант чацвёра з сямі гракоў перасталі актыўна ўзаемадзейнічаць з эксперыментатарамі, і навукоўцы вырашылі працаваць толькі з трыма жывёламі, піша «Нож».

Даследчыкі прывучалі гракоў да трох каманд: «да мяне», «чакай» і «голас». Перш чым выканаць указанне, птушка павінна была прызямліцца на насест, а навуковец — пакласці на стол чарвяка. Рэагуючы на каманду «да мяне», грак мог скочыць на стол і з’есці «прыз». Калі ён чуў «чакай» — ігнараваць чарвя хаця б пяць секунд, а падчас вымаўлення чалавекам каманды «голас» — заслужыць чарвяка, выдаўшы гук.

Спецыяльна для адоранага Лео даследчыкі ўвялі яшчэ адну каманду — «ўверх»: у адказ на яе грак узлятаў крыху над насестам.

Так, за 28 раундаў Лео вывучыў тры каманды і правільна выконваў іх у 67–83 % выпадкаў. Як высветлілася, больш за ўсё намаганняў птушка траціла, каб правільна адрэагаваць на каманду «чакай»: яна патрабавала ад яго найвышэйшых навыкаў самакантролю. Пры гэтым, паводле слоў навукоўцаў, Лео дзейнічаў правільна нават у тых выпадках, калі «загады» гучалі з дынамікаў.

Праз шэсць месяцаў грака зноў пратэставалі. Высветлілася, што ён хутка ўспомніў усе каманды. Дзве іншыя птушкі таксама паддаваліся дрэсіроўцы, але не дасягнулі ўзроўню Лео.

У высновах да даследавання аўтары выказалі здагадку, што Лео так добра спраўляўся з заданнямі таму, што ён, як і многія прадстаўнікі сямейства крумкачовых, мае развіты мозг.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]