Трамп: Мы прадаём тэхніку NATO

Кіраўнік Белага дома заявіў, што ЗША больш не выдаткоўваюць на Украіну.

Прэзідэнт ЗША Дональд Трамп заявіў, што Злучаныя Штаты больш не выдаткоўваюць грошы на вайну ва Украіне. Тэхніку для Кіева цяпер купляе NATO.

Пра гэта паведамляе «РБК-Украіна» са спасылкай на ягонае інтэрв'ю для Daily Caller.

Са слоў Трампа, ЗША выдаткоўвалі на вайну ва Украіне сотні мільярдаў даляраў. Аднак цяпер Вашынгтон дасягнуў таго, каб зброю для Кіева купляла NATO, а сам вайсковы блок — павялічыў выдаткі на сваю абарону да 5% ВУП.

«Цяпер мы прадаём абсталяванне NATO. Я дамогся таго, што іх (выдаткі павялічыліся з 2% да 5%). Ніхто не думаў, што гэта магчыма, і плацяць. Мы прадаём абсталяванне NATO. Мы не прадаём яго Украіне. Мы прадаём яго NATO. Яны плацяць за абсталяванне. Мы не выдаткоўваем грошы на вайну. У гэтым і розніца», - заявіў прэзідэнт ЗША.

Таксама кіраўнік Белага дома паўтарыў, што не збіраецца адпраўляць амерыканскія войскі ва Украіну. Пры гэтым падтрымлівае выдачу гарантый бяспекі.

«Я не думаю, што гэта можна ўрэгуляваць без нейкіх гарантый бяспекі, і мы не будзем накіроўваць туды войскі ці нешта яшчэ. Але калі мы зможам дапамагчы Еўропе, то, ведаеце, яны будуць там. Яны хочуць, хочуць, каб усё было ўрэгулявана, але калі мы можам ім дапамагчы, я гатовы гэта зрабіць», — сказаў Трамп.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]