Украінскі дэпутат пра забойства Парубія: Расея адкрыла новы этап вайны

Украіна павінна адказваць сіметрычна.

Былога спікера Вярхоўнай Рады Андрэя Парубія забіў кілер, які быў замаскаваны пад кур'ера. Пра гэта ў эфіры тэлеканала «Дождь» расказаў народны дэпутат, сакратар Камітэта Вярхоўнай Рады ў пытаннях нацыянальнай бяспекі, абароны і выведкі Раман Кастэнка.

«Мы разумеем, што гэта тэрор, які робіць цяпер РФ супраць ужо першых асоб дзяржавы. Яны не могуць дацягнуцца да прэзідэнта і цяперашніх кіраўнікоў. Але Парубій быў другім чалавекам у дзяржаве з 2016-га да 2019 года. І я скажу, што Расея гэтым тэрактам, магчыма, адкрывае новы этап вайны. Да гэтага яны замахваліся на нацыяналістаў - людзей, якія падтрымліваюць праўкраінскі рух», — сказаў Кастэнка.

Ён дадаў, што ўкраінскія аперацыі тычыліся толькі ліквідацыі вайсковых злачынцаў. Тады як Расея адкрыла новы этап вайны, замахваючыся і знішчаючы першых асоб дзяржавы.

«І я думаю, што Украіна павінна адказваць сіметрычна. І ўвесь свет павінен убачыць, што ніхто ўжо не ў бяспецы. Гэта ў першую чаргу на дэмакратыю замах. Таму што так цынічна чалавек замаскаваўся, чакаў і выпусціў увесь магазін, 8 патронаў», — дадаў Кастэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]