«Магчымыя лакальныя пратэсты»

Як дэфіцыт паліва паўплывае на настроі расіян?

Такое пытанне сайт Charter97.org задаў украінскаму палітычнаму дзеячу, экс-дэпутату Вярхоўнай Рады Барыславу Берэзе:

— Безумоўна, гэта выкліча рост незадаволенасці. Магчыма, успыхнуць лакальныя пратэсты, але наўрад ці «расійская быдламаса» паднімецца на нешта сур'ёзнае.

Калісьці Валерыя Ільінічна Навадворская сказала: «На барыкады не ходзяць за каўбасой, на барыкады ходзяць за свабодай». Расіяне за «каўбасой» могуць выйсці, але не на барыкады — максімум будуць абурацца ў сацсетках або на кухнях. Масавых пратэстаў я не чакаю. Але падзенне падтрымкі ўладаў — цалкам рэальны сцэнар.

Расіяне прывыклі сыта есці, спакойна спаць і вольна перамяшчацца. Мы ўжо назіралі ўсплёск незадаволенасці, калі перабоі з пералётамі ўзнікалі з-за ўкраінскіх атак беспілотнікамі. Тады масавае абурэнне выяўлялася публічна, хоць да вулічных пратэстаў не дайшло.

А калі да гэтага дадаць яшчэ і паліўны крызіс, незадаволенасць будзе толькі расці. Для бунту гэтага, хутчэй за ўсё, не хопіць, але любыя праявы незадаволенасці ўнутры Расіі Украіна павінна выкарыстоўваць у сваіх інтарэсах.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас [email protected]